काठमाडौं- नेकपा (माओवादी केन्द्र)का अध्यक्ष पुष्पकमल दाहाल 'प्रचण्ड' सहभागी हुने एक कार्यक्रमकै लागि महोत्तरीको रामगोपालपुर नगरपालिकाले एक दिन सार्वजनिक बिदा घोषणा गरेको छ। नगरपालिकाले मङ्गलबार सूचना जारी गर्दै भोलि (मंसिर १ गते) सार्वजनिक बिदा हुने जानकारी दिएको हो।
नगरपालिकाका अनुसार वडा नम्बर ५ स्थित रामगोपालपुर प्राथमिक स्वास्थ्य केन्द्रमा हुने कार्यक्रममा अध्यक्ष दाहाल प्रमुख अतिथिका रुपमा सहभागी हुने कार्यक्रम छ।
उक्त कार्यक्रममा दाहालले वडा नम्बर २, ३, ४, ६, ७, ८ र ९ का आधारभूत स्वास्थ्य केन्द्रहरुको उद्घाटन गर्ने नगरपालिकाले जानकारी दिएको छ।
पूर्वप्रधानमन्त्रीसमेत रहेका अध्यक्ष दाहाल सहभागी हुने सोही कार्यक्रमका लागि एक दिन सार्वजनिक बिदा हुने नगरपालिकाको सूचनामा उल्लेख छ।

नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।