काठमाडौं– चिनियाँ राष्ट्रपति सी चिनफिङले आफ्ना अमेरिकी समकक्षी जो बाइडनलाई ताइवानले खोजेजस्तो स्वतन्त्रताको पक्षमा नलाग्न आग्रह गरेका छन्।ताइवानको पक्षपोषण गर्नु अमेरिकाका लागि प्रत्युपादक हुन सक्ने पनि सीले चेतावनी दिएका छन्।
दुई नेताबीच भर्चूअल माध्यमबाट भएको वार्ताका क्रममा चिनियाँ राष्ट्रपति सीले बाइडनलाई ताइवानले खोजे जस्तो स्वतन्त्रताको प्रोत्साहन गर्नु 'आगोसँग खेले जस्तै' हुने भनेर चेतावनी दिएका बीबीसीले लेखेको छ।
सीले बाइडनसँग भने, 'यस्ता कदमहरू अत्यन्तै खतरनाक छन्। आगोसँग खेले जस्तै। आगोसँग खेल्ने जोकोही जल्नेछ।'
बाइडनले भने अहिलेको स्थितिलाई परिवर्तन गर्न वा ताइवान स्ट्रेटमा शान्ति र स्थिरतालाई कमजोर पार्ने एकपक्षीय प्रयासको कडा विरोध गरेका ह्वाइट हाउसले जनाएको छ।
वार्ताका क्रममा दुवै नेताले एकअर्काबीच राम्रो व्यक्तिगत सम्बन्ध राख्नुपर्नेमा जोड दिएका थिए।दुवै नेताको वार्ता दुई देशबीच तनाव कम गर्ने कुरामा केन्द्रित थियो।
तर, सबैभन्दा संवेदनशील मानिने ताइवानको विषयको विषयमा भने दुई नेताले कडा धारणा राखे।
चीनले ताइवानलाई आफ्नै भू–भाग मान्ने गरेको छ र पुनः एकीकरण गर्ने उसको इच्छा छ। अमेरिकाको चीनसँग दौत्य सम्बन्ध छ। तर आक्रमण भएको अवस्थामा उसले ताइवानलाई रक्षा गर्न सहयोग गर्ने प्रतिबद्धता जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
