काठमाडौं– हालसम्म १६ वटा वाणिज्य बैंकले आर्थिक वर्ष २०७७/७८ को मुनाफाबाट सेयरधनीलाई प्रदान गरिने लाभांश घोषणा गरेका छन्।
बैंकहरुले घोषणा गरेको लाभांश साधारण सभाबाट पारित भएपश्चात् वितरण गरिनेछ। वाणिज्य बैंकमध्ये यो वर्ष सबैभन्दा धेरै नबिल बैंकले लाभांश घोषणा गरेको छ भने सबैभन्दा कम कुमारी बैंकको रहेको छ।त्यस्तै, लाभांश घोषणा गर्नेमध्ये पाँच वटा बैंकहरूले वार्षिक साधारण सभा बोलाएका छन्। ५ वटा बैंकमध्ये, ३ वटा बैंकको साधारण सभा पनि सम्पन्न भइसकेको छ।
कुमारी बैंक, सानिमा बैंक र सिटिजन्स बैंकको साधारण सभा सम्पन्न भइसकेको छ भने माछापुच्छ्रे र नेपाल बङ्गलादेश बैंकले पनि साधारण सभा तथा लाभांश वितरण प्रयोजनको लागि बुकक्लोज गरिसकेका छन्। अबको केह िदिनमै बाँकी बैंकहरुले पनि लाभांश घोषणा गर्ने तयारी गरेका छन्।
हिमालयन बैंकले चुक्ता पूँजीको २१.३६ प्रतिशत बोनस सेयर र ४.६४ प्रतिशत नगद गरी कुल २६ प्रतिशत लाभांश घोषणा गरेको छ। हालसम्म बैंकले साधारण सभा तथा बुकक्लोज मिति तोकेको छैन।
सानिमा बैंक लिमिटेडले आर्थिक वर्ष २०७७/७८ को सञ्चित मुनाफाबाट सेयरधनीलाई चुक्ता पूँजीको १७ प्रतिशत बोनस सेयर र कर प्रयोजनका लागि ०.८९ प्रतिशत नगद गरी कुल १७.८९ प्रतिशत लाभांश वितरण गर्ने घोषणा गरेको छ। बैंकको कात्तिक १४ गते सम्पन्न साधारण सभाले लाभांश पारितसमेत गरिसकेको छ।
त्यसैगरी सिटिजन्स बैंक इन्टरनेशनलले समेत यो वर्षको लाभांश पारित गरिसकेको छ। बैंकले चुक्ता पूँजीको १२.९१३ प्रतिशत बोनस सेयर र ३.०८७ प्रतिशत नगद गरी कुल १६ प्रतिशत लाभांश वितरण गर्ने घोषणा गरेको थियो। बैंकको कात्तिक १६ गते सम्पन्न वार्षिक साधारण सभाले उक्त बोनस पारित गरेको हो।
नेपाल इन्भेष्टमेन्ट बैंकले सेयरधनीलाई चुक्ता पूँजीको ११.२४ प्रतिशत बोनस सेयर र कर प्रयोजनका लागि ४.७६ प्रतिशत नगद गरी कुल १६ लाभांश वितरण गर्ने घोषणा गरेको छ। हालसम्म बैंकले साधारण सभा तथा बुकक्लोज मिति भने तोकिएको छैन।
माछापुच्छ्रे बैंकले घोषणा गरेको १३.३० प्रतिशत बोनस सेयर र कर प्रयोजनका लागि ०.७० प्रतिशत नगद गरी कुल १४ प्रतिशत लाभांश भने कात्तिक २६ गते हुने २३औं वार्षिक साधारण सभालेपारित गरेपछि वितरण हुनेछ। साधारण सभा तथा लाभांश वितरण प्रयोजनका लागि बैंकले ७ कात्तिकमा बुकक्लोज गरेको थियो।
स्ट्यान्डर्ड चार्टर्ड बैंकले गत आर्थिक वर्ष २०७७/७८ को मुनाफाबाट सेयरधनीलाई चुक्ता पूँजीको १० प्रतिशत बोनस सेयर र कर प्रयोजनका लागि ३.०६ प्रतिशत नगद गरी कुल १३.०६ लाभांश वितरण गर्ने घोषणा गरेको छ। बैंकले पनि हालसम्म साधारण सभा तथा बुकक्लोज मिति तोकेको छैन।
सबैभन्दा कम लाभांश दिएको कुमारी बैंकले भने साधारण सभा सम्पन्न गरी प्रस्तावित लाभांश पारित गरिसकेको छ। बैंकको कात्तिक १६ गते सम्पन्न वार्षिक साधारण सभाले चुक्ता पूँजीको ६ प्रतिशत बोनस सेयर र कर प्रयोजनका लागि २.६७ प्रतिशत नगद गरी कुल ८.६७ प्रतिशत लाभांश पारित गरेको हो।
त्यसैगरी, एनएमबि बैंकले आर्थिक वर्ष २०७७/७८ को मुनाफाबाट सेयरधनीलाई चुक्ता पूँजीको १२.५ प्रतिशत बोनस सेयर र कर प्रयोजनका लागि ३.३ प्रतिशत नगद गरी कुल १५.८ प्रतिशत लाभांश वितरण गर्ने घोषणा गरेको छ। हालसम्म बैंकले साधारण सभा तथा बुकक्लोज मिति भने तोकेको छैन।
गत आर्थिक वर्षको मुनाफाबाट बैंकका सेयरधनीहरूलाई चुक्ता पूँजीको १४.२५ प्रतिशत बोनस सेयर र कर प्रयोजनका लागि ०.७५ प्रतिशत नगद गरी कुल १५ प्रतिशत लाभांश घोषणा गरेको सिद्धार्थ बैंकले हालसम्म साधारण सभा तथा बुकक्लोज मिति तोकेको छैन।
त्यसैगरी, नेपाल बैंक लिमिटेडको सञ्चालक समितिले गत आर्थिक वर्ष २०७७/७८ को मुनाफाबाट चुक्ता पूँजीको १४ प्रतिशत बोनस सेयर र कर प्रयोजनका लागि ३ प्रतिशत नगद गरी कुल १७ प्रतिशत लाभांश वितरण गर्ने घोषणा गरेको छ। हालसम्म बैंकले साधारण सभा तथा बुकक्लोज मिति तोकेको छैन।
एभरेष्ट बैंकले सेयरधनीहरूलाई चुक्ता पूँजीको ६ प्रतिशत बोनस सेयर र कर प्रयोजनका लागि ४.३२ प्रतिशत नगद गरी कुल १०.३२ प्रतिशत लाभांश घोषणा गरेको छ। बैंकले हालसम्म बैंकले साधारण सभा तथा बुकक्लोज मिति तोकेको छैन।
नेपाल बंगलादेश बैंकको सञ्चालक समितिको बैठकले आर्थिक वर्ष २०७७/७८को मुनाफाबाट बैंकका सेयरधनीलाई चुक्ता पूँजीको १२ प्रतिशत बोनस सेयर र कर प्रयोजनका लागि ३.५ प्रतिशत नगद गरी कुल १५.५० प्रतिशत लाभांश वितरण गर्ने घोषणा गरेको छ। बैंकको मंसिर २ गते हुने २७औँ वार्षिक साधारण सभाले उक्त लाभांश पारित गर्नेछ।
नबिल बैंकको कात्तिक १६ गते सम्पन्न सञ्चालक समितिको बैठकले गत आर्थिक वर्ष २०७७/७८ को मुनाफाबाट चुक्ता पूँजीको ३३.६ प्रतिशत बोनस सेयर र कर प्रयोजनका लागि ४.४ प्रतिशत नगद गरी कुल ३८ प्रतिशत लाभांश वितरण गर्ने घोषणा गरेको छ। यो लाभांश बैंकमध्येको हालसम्मकै उच्च लाभांश हो। हालसम्म बैंकले साधारण सभा तथा बुकक्लोज मिति तोकेको छैन।
बैंक अफ काठमाडौंले गत आर्थिक वर्ष २०७७/७८ को मुनाफाबाट बैंकका सेयरधनीलाई चुक्ता पूँजीको १० प्रतिशत बोनस सेयर र कर प्रयोजनका लागि समेत गरी ४ प्रतिशत नगद गरी कुल १४ प्रतिशत लाभांश वितरण गर्ने घोषणा गरेको छ। हालसम्म बैंकले साधारण सभा तथा बुकक्लोज मिति तोकेको छैन।
सेयरधनीलाई चुक्ता पूँजीको १५ प्रतिशत बोनस सेयर र कर प्रयोजनका लागि ०.७८९४७ प्रतिशत नगद गरी कुल १५.७८९४७ प्रतिशत लाभांश वितरण गर्ने घोषणा गरेको एनआईसी एशिया बैंकले पनि हालसम्म साधारण सभा तथा बुकक्लोज मिति तोकेको छैन।
कुल १३.५ प्रतिशत लाभांश घोषणा गरेको ग्लोबल आईएमई बैंक लिमिटेडले साधारण सभा तथा बुकक्लोज मिति तोकेको छैन। असोज २५ गत सम्पन्न बैंक सञ्चालक समितिको बैठकले गत आर्थिक वर्ष २०७७/७८ को मुनाफाबाट बैंकका सेयरधनीलाई चुक्ता पूँजीको १० प्रतिशत बोनस सेयर र कर प्रयोजनका लागि ३.५ प्रतिशत नगद लाभांश वितरण गर्ने घोषणा गरेको हो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-ink-1736572052-1736576540.jpeg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
