काठमाडौं- प्रस्तावित नेकपा एकीकृत समाजवादीका अध्यक्ष माधव कुमार नेपालले एमाले अध्यक्ष केपी शर्मा ओलीले आफूलाई लिलिता निवास जग्गा प्रकरणमा फससाउन अख्तियारका पदाधिकारीलाई बालुवाटारमा बोलाएर दबाब दिएको आरोप लगाएका छन्।
नयाँ पार्टी गठनलागि निर्वाचन आयोगमा निवेदन दिएका माधवकुमार नेपालले मंगलबार चन्द्रागिरि पुगेर ललिता निवासको ११३ रोपनी सरकारी जग्गा भू-माफियाको मिलेमतोमा व्यक्तिको बनाउने खेलमा संलग्न नभएको आफूलाई फसाउने षडयन्त्र तत्कालीन प्रधानमन्त्री केपी शर्मा ओलीले बुनेको आरोप लगाएका हुन्।
कम्युनिस्ट आन्दोलनको पुनर्जागरणका लागि नयाँ कम्युनिस्ट पार्टीको आवश्यकता शीर्षकमा पेश भएको प्रतिवेदनमा नेता नेपालले तत्कालीन नेकपाका महासचिवलाई उन्मुक्ति र पुरस्कृत गर्ने र आफूलाई भने फसाउने षड्यन्त्रमा ओली लागेको आरोप लगाएका छन्।
‘बालुवाटारको ललिता निवास जग्गा भ्रष्टाचार काण्डमा प्रत्यक्षरुपमा विष्णु पौडेल मुछिनु भयो जो रहस्यमय तरिकाले निर्वाचित महासचिवलाई अकस्मात हटाई महासचिव बनाइनु भएको थियो,’ दस्तावेजनमा भनिएको छ, ‘वहाँलाई पार्टी अध्यक्ष तथा प्रधानमन्त्रीले स्पष्टीकरणसमेत सोध्न आवश्यक ठान्नु भएन, बरु पटकपटक पदोन्नति गरी पुरस्कृत गर्ने काम गरियो।’ उनले बालुवाटार जग्गा भ्रष्टाचार काण्डमा वास्तविक भूमाफियालाई जोगाउने कार्य गरेको आरोप समेत लगाएका छन्।
‘कुनै संलग्नता नभएका पूर्व प्रधानमन्त्री कमकरेड माधव कुमार नेपाललाई फँसाउनका लागि अख्तियार दुरुपयोग अनुसन्धान आयोगका पदाधिकारीहरुलाई बालुवाटारमै बोलाएर दबाब दिइयो’, दस्तावेजमा भनिएको छ, ‘त्यस्तो काममा संलग्न हुँदा प्रमाण नपुग्ने कारणले कुनै पनि आयुक्तहरु त्यस जालि काममा सहमत हुन सकेनन्। के.पी. ओलीले अख्तियारका आयुक्तहरुलाई दबाब दिँदै पटक–पटक भन्नु भएछ, ‘प्रमाण नभए पनि एकपटक मुद्दा लगाएर यिनको सेखी झार्नु पर्यो।’
ओली आफ्ना आसेपासेले गर्ने प्रामाणिक भ्रष्टाचारलाई पनि जोगाउने र निर्दोषलाई फँसाउने यति घृणित काम पनि गर्न सक्ने मानिस हुनुहुँदो रहेछ भन्ने देखिएको दस्तावेजमा उल्लेख छ।
दस्तावेजले ओली सरकार इतिहासकै भ्रष्ट रहेको समेत भनिएको छ। ओम्निदेखि यतिसम्म र गोकर्ण देखि हिमालयन एयरसम्म भ्रष्टाचारमा ओली सरकार संलग्न भएको आरोप उक्त दस्तावेजमा लगाइएको छ।
त्यस्तै तत्कालीन सञ्चारमन्त्रीको सेक्युरिटी प्रेस खरिदको डिल प्रकरण, गोल्छा अर्गनाइजेशनलाई जग्गा र मोती दुगडको कम्पनीलाई नुनको आयतको अनुमति जस्ता भ्रष्टाचारका कार्य भएको आरोप प्रतिवेदनमा लगाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790064844.png)
-1786602170.png)
-1789631269.jpg)
