काठमाडौं- धितोपत्र बजारमा सेयर कारोबार मापक नेप्से परिसूचक आज उच्च अङ्कले वृद्धि भएको छ। लगातार उकालो लाग्दै आएको नेप्सेमा उछाल देखिएको हो। विकास बैंक, वित्त, निर्जीवन बिमा र जीवन बिमा उपसमूहको सेयरका लगानीकर्ताको तीव्र आकर्षण देखिँदा नेप्सेसमेत नयाँ उचाइमा पुगेको हो।
नेपाल स्टक एक्सेचञ्जका अनुसार आज ५१.८६ अङ्कले बढेर नेप्से ३१६१.४४ विन्दुमा पुगेको छ। यस्तै, ठूला कम्पनीको सेयर कारोबार मापक सेन्सेटिभ परिसूचक १२ अङ्कले बढेर ५८७.९५ विन्दुमा पुगेको छ। आज कूल २२५ कम्पनीका तीन करोड ३५ लाख ३५ हजार २१३ कित्ता सेयर १७ अर्ब ८४ करोड ६१ लाख ४७ हजार २७९ रुपैयाँमा खरिद-बिक्री भएको थियो। मङ्गलबारको कारोबारपछि बजार पुँजीकरण ४४ खर्ब १३ अर्ब १८ करोड तीन लाख २० हजार रुपैयाँ बराबर पुगेको छ।
कारोबार भएका १३ उपसमूहमध्ये आज तीन उपसमूहको सेयर मूल्य ओरालो लागेको छ भने १० उपसमूहको सेयर उकालो लागेको छ। व्यापार ६७.२८, होटल तथा पर्यटन ८.७८ र जलविद्युत् ३.०१ विन्दुले घटेको छ। बैंकिङ ३९.०४, विकास बैंक ४०६.४४, वित्त १९०.६४, निर्जीवन बिमा १४२.३३, उत्पादन ४४.५४, अन्य ६.८३, लघुवित्त ७३.४४, जीवन बिमा २११.७२, सामूहिक लगानीकोष ०.०७ र लगानी २.१५ अङ्कले बढेको छ।
कारोबारका आधारमा माथिल्लो तामाकोशी जलविद्युत् कम्पनी शीर्ष स्थानमा रहेको छ। उक्त कम्पनीको ८९ करोड ५८ लाख ९३ हजार ५३६ बराबरको कारोबार भयो। अरुण भ्याली हाइड्रोपावर कम्पनी ५३ करोड सात लाख ७८ हजार ५४५, अपि पावर कम्पनी ५१ करोड ९२ लाख ६८ हजार ६१७, ज्योति विकास बैंक ४८ करोड ८४ लाख ३८ हजार ४१७ र अरुण काबेली पावर ४१ करोड ५२ लाख ८५ हजार ५७७ रुपैयाँ बराबरको कारोबार भइ शीर्ष स्थानमा रहेका छन्।
१३ कम्पनीको सेयरमा सर्किट
नेप्सेका अनुसार आजको कारोबारमा विभिन्न १३ कम्पनीको सेयरमा सकारात्मक सर्किट लागेको छ। बेस्ट फाइनान्स, श्री इन्भेस्टमेन्ट फाइनान्स, सेन्ट्रल फाइनान्स, गुह्यश्वरी मर्चेन्ट बैंक, आईसीएफसी फाइनान्स, प्रोगेसिभ फाइनान्स, महालक्ष्मी विकास बैंक, ज्योति विकास बैंक, कामना सेवा विकास बैंक, सिन्धु विकास बैंक, जीवन विकास लघुवित्त, साइन रेसुङ्गा डेभलपमेन्ट बैंक र युनियन लाइफ इन्स्योरेन्सको सेयरमा सकारात्मक सर्किट लागेको छ।
यस्तै, साञ्जेन जलविद्युत् कम्पनी ५.१६, सिनर्जी पावर ४.७१, खानीखोला हाइड्रोपावर ४.२५, पञ्चकन्या माई ४.११ र घलेम्दी हाइड्रोपावरका लगानीकर्ताले ४.०२ प्रतिशतले गुमाए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772185181.png)
.._ELsE3tlM5D-1772177971.jpg)
-1764146706.png)
