काठमाडौं– कर्णाली प्रदेशका मुख्यमन्त्री महेन्द्रबहादुर शाहीले शुक्रबार (आज) विश्वासको मत लिँदै छन्। नेकपा एमालेले समर्थन फिर्ता लिएपछि अल्पमतमा परेका मुख्यमन्त्री शाहीले विश्वासको मत लिने तयारी गरेका हुन्।
मुख्यमन्त्री शाहीले गत मंगलबार विश्वासको मत लिने पत्र प्रदेश सभा सचिवालयमा दर्ता गराएका थिए। उनले प्रदेशसभा सचिवालयलाई पत्राचार गर्दै नेपालको संविधानको धारा १८८ को (२) बमोजिम विश्वासको मत लिने प्रयोजनका लागि आवश्यक व्यवस्था मिलाउन आग्रह गरेका थिए। आज बस्ने प्रदेश सभा बैठकमा मुख्यमन्त्रीको प्रस्तावमा मतदान हुने बताइएको छ।
शुक्रबार बस्ने प्रदेश सभाको बैठकमा शाहीले आफ्नो पद जोगाउन बहुमत रहेको पुष्टि गर्नुपर्ने हुन्छ। ४० सदस्यीय प्रदेशसभामा माओवादीका १२, एमालेका २०, कांग्रेसका ६ र राप्रपाका १ जना सांसद छन्।
वर्तमान सरकारको निरन्तरताका लागि मुख्यमन्त्रीलाई २० जना सांसदको समर्थन आवश्यक पर्नेछ। माओवादीलाई कांग्रेस र राप्रपाले मत दिएपनि एक मत पुग्ने छैन। त्यसका लागि एमालेको माधवकुमार नेपाल पक्षले ‘फ्लोर क्रस’ गर्नुपर्नेछ।
यसैबीच, कर्णाली प्रदेशका मुख्यमन्त्री महेन्द्रबहादुर शाहीलाई विश्वासको मत दिन माओवादी केन्द्रले अन्य पार्टीसँग अपिल गरेको छ।
माओवादी कर्णाली प्रदेशकी प्रमुख सचेतक सिता नेपालीले बिहीबार एक विज्ञप्ति जारी गर्दै यस्तो अपिल गरेकी हुन्।
सम्बन्धित समाचार :
विश्वासको मत लिन कस्सिए कर्णालीका मुख्यमन्त्री शाही, माधव नेपाल पक्षले ‘फ्लोर क्रस’ गर्ने आश
कर्णालीका मुख्यमन्त्री शाहीलाई विश्वासको मत दिन माओवादी केन्द्रको अपिल
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1771592819.png)
