काठमाडौं- प्रधानमन्त्री केपी शर्मा ओलीले देशलाई अस्थिरतातर्फ धकेल्ने र विकासका क्रमलाई अघि बढ्न नदिने काम भएको दाबी गरेका छन्। १११औँ अन्तराष्ट्रिय महिला दिवसको अवसरमा सम्बोधन गर्दै ओलीले युगान्तकारी काम सरकारले गरेको दाबी गरे।
‘हामी विकासको गतिमा अघि बढेका छौँ। भर्खर मेलम्चीको पानी काठमाडौंमा खसालेका छौँ,’ उनले भने, ‘मानिसले पत्याएका थिएनन्। केही दिनभित्र धारा–धारामा वितरण गर्दैछौँ।’
प्रधानमन्त्री ओलीले सुरुङबाट अब ४ किलोमिटरको दुरीमा नै काठमाडौंबाट नौबिसेसम्म पुग्न सकिने पनि उल्लेख गरे। तराईमा सिँचाई गर्न सुनकोशी मरिन डाइभर्सन उद्घाटन गरेका भन्दै उनले अब विकासको गति नरोकिने दाबी गरेका थिए।
आफू नेतृत्वको सरकार देशभक्त जनताप्रति बफादार भएकाले अब फेरि यति बफादार सरकार नआउने दाबी समेत गरे। सुशासन र विकासलाई मूल नारा बनाएर विकास लागि अघि बढेको उनको दाबी छ। सरकार शिक्षा, स्वास्थ्यका क्षेत्रमा सामाजिक न्यायका क्षेत्रमा यसले गरेका कामहरु सरकारले गरेको उनले दावी गरे।
पूर्वाधार विकासका काम , बाटाघाटा, पुल पक्की बाटालगायतका कामहरु तीव्र गतिमा भएको ओलीको दाबी छ। ‘हाम्रो आलोचना भइरहेको छ। किनकी हामीले समृद्ध नेपाल र सुखी नेपालीको आकांक्षा बोकेको छौँ,’ उनले भने, ‘हामी त्यो उद्देश्यका लागि सही योजना र नीति लिएर कार्यान्वयन अघि बढेका छौँ। सरकारले नेपाललाई अघि नै बढाउने भयो भनेर आलोचना भएको हो।’
कोभिडको सामाना गर्न अरु विकसित देशभन्दा सरकारको तयारीका कारण सम्भव भएको दाबी उनको थियो। सरकारी तवरबाट राम्रो तयारी गर्दा कोरोनाबाट क्षति कम भएको दाबी गर्दै ओलीले लाखौँ जनताले खोप लगाइसकेकोसमेत बताए। विकासको गतिलाई कोभिडले र आफूविरोधीको अवरोधले रोक्न नसक्ने उनले दाबी प्रस्तुत गरे।
भिडियो
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
