काठमाडौं- नेकपाको पुष्पकमल दाहाल ‘प्रचण्ड’ र माधवकुमार नेपाल पक्षको सचिवालय बैठक भोलि काठमाडौंमा गरिने सभालाई प्रभावकारी बनाउने निर्णय गरेको छ।
मंगलबार पार्टी कार्यालय पेरिसडाँडामा बसेको बैठकले भोलिको सभालाई प्रभावकारी र व्यवस्थित बनाउने निर्णय गरेको हो।
प्रधानमन्त्री केपी शर्मा ओलीको सिफारिसमा राष्ट्रपतिले पुस ५ गते प्रतिनिधि सभा विघटन गरेपछि नेकपा दुई भागमा विभाजित भएको छ। एउटा पक्षको नेतृत्व प्रधानमन्त्री ओलीले गरेका छन् भने अर्को पक्षको नेतृत्व पुष्पकमल दाहाल ‘प्रचण्ड’ र माधवकुमार नेपालले गरेका छन्।
नेकपाभित्रको तत्कालीन सचिवालयका ९ सदस्यमध्ये दुवै पक्षमा चार/चार जना छन्। सचिवालय सदस्य वामदेव गौतम भने दुवै समूहमा नलागेर ‘पार्टी एकता राष्ट्रिय अभियान’मा लागेका छन्।
प्रचण्ड–माधव पक्षले यसअघि पुस १४ र माघ ९ गते काठमाडौंमा विरोध सभा एवं प्रदर्शन गरेको थियो। भोलिको सभालाई ‘अहिलेसम्मकै विशाल’ बनाउने प्रचण्ड–माधव पक्षको दाबी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1782224905-1782225890.jpeg)
-1764146706.png)
