फलेवास– काठमाडौ विश्वविद्यालयले पर्वत जिल्लाका दुई विद्यालयमा अनलाइन कक्षा सुरु गर्ने भएको छ।
जिल्लाको आदर्श अंग्रेजी माध्यामिक विद्यालय र भवानी विद्यापीठ माविमा ‘अनलाइन मास्टर डिग्री कक्षा सेन्टर’ स्थापना गर्ने भएको हो। काठमाडौं युनिभर्सिटीको ‘स्कूल अफ एजुकेसन’ले अनलाइन मास्टर डिग्री कार्यक्रममा आदर्श र भवानी विद्यापीठ विद्यालयलाई सेन्टर स्थापना गर्न सम्झौता गरेको हो।
कार्यक्रम काठमाडौं विश्वविद्यालयको स्कूल अफ एजुकेसन संकायअन्तर्गत ‘लिडरसिप म्यानेजमेन्ट’ र ‘म्याथमेटिक्स इन एजुकेसन’ विषयको पढाइ आगामी शैक्षिक सत्रबाट सञ्चालन हुनेछन्।
शुक्रबार र शनिबार काठमाडौं विश्वविद्यालयको आयोजना तथा भवानी विद्यापीठ र आदर्श माविको संयोजनमा पर्वत र बागलुङ जिल्लाका विभिन्न विद्यालयका शिक्षक तथा प्रधानाध्यापकहरुका लागि २ दिने स्कूल लिडरसिप तालीमको समेत आयोजना गरिएको थियो। सोहि कार्यक्रमको अवसरमा भवानी विद्यापीठ मावि, आदर्श मावि र काठमाडौं विश्वविद्यालयबीच अनलाइन कक्षा सञ्चालन गर्ने सम्झौता भएको हो।
कार्यक्रममा विद्यालयको गुणस्तर वृद्धि गर्न प्रधानाध्यापकको भूमिकाका बारेमा काठमाडौं विश्वविद्यालयका प्रा डा वासुप्रसाद सुवेदी र डा धनपति सुवेदीले प्रशिक्षण दिएका थिए। सामुदायिक विद्यालयका शैक्षिक सुधार अभियन्ता तथा भवानी विद्यापीठ विद्यालयका पूर्वअध्यक्ष भोलनाथ शर्मा, आदर्श मावि कुस्माका प्रधानाध्यापक हिमबहादुर पौडेलले यो अवसर जनशक्ति उत्पादन र शैक्षिक सुधारका लागि प्रयोग हुनेमा विश्वास व्यक्त गरे।
पहिलो दिनको अभिमुखीकरणमा फलेवास र बागलुङका विद्यालयका प्रधनाध्यापक तथा शिक्षकहरु गरी ४७ जना र दोस्रो दिन आदर्श माविमा भएको तालीममा कुस्मासहित बागलुङका ३५ शिक्षक–शिक्षिकाको सहभागिता रहेको थियो। रासस
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1736593703.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
