प्रधानन्यायाधीशले भने–३०० जना हुनुहुन्छ, छोटो बहस गर्नुस्

राजनीति

नेपाल लाइभ शुक्रबार, माघ ९, २०७७ १२:४६

काठमाडौं–प्रधानन्यायाधीश चोलेन्द्रशमशेर राणाले प्रतिनिधि सभा विघटनविरुद्ध १३ वटा रिट निवेदन भएको र ठूलो संख्यामा कानुन व्यवसायीहरूले वकालतनामा भरेकाले अन्तिम फैसला आउन ढिला हुने भन्दै छोटो बहस गर्न आग्रह गरेका छन्।

शुक्रबारको बहसमा प्रधानन्यायधीश राणाले कानुन व्यवसायीहरूलाई छिटो बहस सक्न आग्रह गरेका हुन्।

कानुन व्यवसायी कोपिलप्रसाद अधिकारी बहसका लागि उभिएपछि राणाले १० मिनेटमा बहस सिध्याउन भने। अधिकारीले आफूलाई १५ मिनेट दिन आग्रह गरे।

त्यसपछि प्रधानन्यायाधीशले भने, ‘हामीले पटकपटक भनिरहेका छौं । अवस्था यस्तै छ। तपाईंहरू झन्डै तीन सय जना हुनुहुन्छ ।’

त्यसपछि अधिकारीले आफू नाम मात्रै लेखाउन नआएको जवाफ दिए। अधिकारीको जवाफ सुनेपछि समयको ख्याल गर्न रिट निवेदकहरू नै अगाडि बढ्नुपर्ने आशय राणाले व्यक्त गरे उनले भने, ‘दुई महिना लिन्छौं भने पनि दिन्छौं, तर सक्नु पर्ला नि मुद्दा त ।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्षेप्यास्त्र प्रहारको सन्देश बुझ्न अमेरिकालाई रूसको चेतावनी

बिआरआईमा अनुदान मात्र स्वीकार्यः नेता निधि

सडक फोहोर गरेको भन्दै एमालेलाई महानगरको १ लाख जरिवाना