भारतमा २४ घण्टामा थपिए १४ हजार संक्रमित

कोरोना अपडेट

नेपाल लाइभ मंगलबार, असार ९, २०७७ १२:०५

एजेन्सी–भारतमा पछिल्लो २४ घण्टामा १४ हजार नयाँ संक्रमित थपिएका छन्। यसअवधिमा ३ सय १२ जनाको संक्रमणबाट मृत्यु भएको छ।

केन्द्रीय स्वास्थ्य मन्त्रालयका अनुसार भारतमा संक्रमितको संख्या ४ लाख ४० हजार भएको छ भने मृत्यु हुनेको संख्या बढेर १४ हजार ११ भएको छ।

भारतमा सबैभन्दा धेरै संक्रमित महाराष्ट्र राज्यका छन्, जहाँ संक्रमितिको संख्या १ लाख ३५ हजारभन्दा बढी पुगेको छ । त्यहाँ ६ हजारभन्दा बढीको मृत्यु भइसकेको छ। दोस्रो स्थानमा रहेको नयाँदिल्लीमा ६२ हजार संक्रमित छन् भने २ हजार २ सय ३३ जनाको मृत्यु भइसकेको छ। तेस्रो स्थानमा तमिलनाडु छ। त्यहाँ ५९ हजार ३ सय ७७ जना संक्रमित र ७ सय ५७ जनाको मृत्यु भएको छ।