राजतन्त्र, प्रजातन्त्र हुँदै लोकतन्त्र र गणतन्त्रको
मुकुटसम्म ओढायौँ यो देशलाई।
नेपाल आमा ऐना हेर्दै ठुस्स पर्दै
भन्नुहुन्छ, सुहाएन मलाई।
उनी भन्छिन्, सक्छौ भने घुम्टो ओढाइदेऊ
बलियो अर्थतन्त्रको मलाई।
थुप्रै सरकार आए, थुप्रै प्रधानमन्त्री आए,
सिँघार्छु भनी नेपाल आमालाई।
हिजो चप्पलमा आएकाहरू
आज पजेरोमा फर्के हात हल्लाइहल्लाई।
सधैं गठबन्धन, सधैं गुटबन्दी,
बरु लगाइदेऊ तालाबन्दी सदनलाई।
यहाँ त एक दलको नेताले अर्को दलको नेतालाई
लान्छन् ललाइफकाई।
मधेशमा मधेशीको बेहाल,
सदनमा मधेशी दलको जय जयकार।
मधेशी दल त सदनमा अदुवा, लसुन र प्याजजस्तै
नभई हुन्न सत्ता पकाउन लाई।
राजतन्त्र, प्रजातन्त्र हुँदै लोकतन्त्र र गणतन्त्रको
मुकुटसम्म ओढायौँ यो देशलाई।
नेपाल आमा ऐना हेर्दै ठुस्स पर्दै
भन्नुहुन्छ, सुहाएन मलाई।
किनकि, मेरो देशमा नेताजीको स्वार्थ र तन्त्रमन्त्रले
झुक्याएर ओढायौ डनतन्त्रको मुकुट देशलाई।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786357084.jpg)
-1764146706.png)
-1786184812.png)
