काठमाडौं- भारतमा कोरोना संक्रमितको संख्या ३१ हजार नाघेको छ। जोन हप्किन्स विश्वविद्यालयले प्रकाशित गरेको पछिल्लो तथ्यांक अनुसार त्यहाँ ३१ हजार ३ सय ६० जनालाई संक्रमण पुष्टि भएको छ।
भारतमा मृत्यु हुनेको संख्या पनि एक हजार नाघेको छ। त्यहाँ १ हजार ८ जनाको मृत्यु भएको तथ्यांकमा उल्लेख छ।
त्यस्तै, ७ हजार ७ सय ४७ जना उपचारपछि निको भएका छन्।
विश्वभर कोरोना : ३१ लाख १३ हजार संक्रमित, २ लाख १६ हजारको मृत्यु
विश्वभर कोरोना संक्रमितको संख्या ३१ लाख नाघेको छ। जोन हप्किन्स विश्वविद्यालयले प्रकाशित गरेको बुधबार बिहानसम्मको तथ्यांक अनुसार ३१ लाख १३ हजार ४ सय ४७ जनालाई कोरोना संक्रमण पुष्टि भएको हो।
कोरोना संक्रमण पुष्टि हुने देशहरुमा अमेरिका सबैभन्दा अघि छ। त्यहाँ १० लाख ११ हजार ८ सय ७७ जनालाई कोरोना संक्रमण पुष्टि भइसकेको छ। त्यस्तै, स्पेनमा २ लाख ३२ हजार १ सय २८, इटालीमा २ लाख १ हजार ५ सय ५, फ्रान्समा १ लाख ६९ हजार ५३, बेलायतमा १ लाख ६२ हजार ३ सय ५० जनामा कोरोना संक्रमण पुष्टि भएको छ।
विश्वभर कुल २ लाख १६ हजार ९ सय ३० जनाको मृत्यु भइसकेको छ। मृत्यु हुनेको संख्या पनि अमेरिकामा नै सर्वाधिक छ। त्यहाँ ५९ हजारभन्दा बढीको मृत्यु भइसकेको छ।
त्यस्तै, इटालीमा २७ हजार ३ सय ५९, स्पेनमा २३ हजार ८ सय २२, फ्रान्समा २३ हजार ६ सय ६०, बेलायतमा २१ हजार ६ सय ७८ को मृत्यु भएको छ।
कोरोना संक्रमण भए पनि निको हुनेको संख्या पनि बढ्दै छ। बुधबार बिहानसम्म ९ लाख २५ हजार ७ सय ३० जना उपचारपछि निको भइसकेका छन्।
नेपालमा पनि ५४ जनालाई कोरोना संक्रमण पुष्टि भएको छ। त्यसमध्ये १६ जना उपचारपछि निको भइसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787755124.jpg)
-1787821305.jpg)
-1786602170.png)
-1786513116.png)
