इटहरी- भाेलि (बुधबार) बिहान ७ देखि १० बजेसम्म इटहरी उपमहानगरपालिका भित्रका बजार खुल्ला गरिने भएको छ। अत्यावश्यक सामग्री, खाद्यान्न, तरकारी र फलफूका पसल खुल्ला गर्ने व्यवस्था मिलाइएको हो।
मंगलबार बिहान मेयर द्वारिकलाल चौधरीको अध्यक्षतामा बसेको बैठकले जिल्ला सुरक्षा समितिसँग समन्वय गरी वैशाख १७ देखि बिहान पसल खुल्ला गर्ने निर्णय गरेको हो। वडाध्यक्षहरु, प्रहरी प्रशासन, उद्योग वाणिज्य संघ र नागरिक समाजसमेतको सहभागितामा भएको बैठकले सो निर्णय गरेको मेयर चौधरीले बताए।
साथै बजार आउँदा सवारी साधन प्रयोग नगरी एक परिवारबाट एकजना मात्र आउनुपर्ने उनको भनाइ छ।
तोकिएको समयमा खरिद बिक्री गर्दा सामाजिक दूरी कायम गर्नुपर्ने र त्यसको नियमित अनुगमन गरिने उनले जानकारी दिए। त्यसका साथै औषधि पसल सदाझै २४अै घण्टा सञ्चालन हुने व्यवस्था मिलाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
