काठमाडौं– विश्वव्यापी महामारीको रुपमा फैलिएकाे कोराना भाइरस (कोभिड- १९)का कारण हाल देशभर लकडाउन भएकाले खरिद प्रक्रियाको म्याद थप्ने व्यवस्था मिलाउन सम्बन्धित आयोजना तथा कार्यालयलाई भनिएको छ। सोमबार सार्वजनिक खरिद अनुगमन कार्यालयले सूचना जारी गर्दै यस्तो आग्रह गरेको हो।
चैत्र ११ देखि बैशाख ३ गतेसम्म मन्त्रिपरिषद्को निर्णयानुसार भएको लकडाउनका कारण रोकिएको आयोजनाको म्याद थप गर्न उक्त सूचना आएको हो। बैशाख १४ गतेको मन्त्रिपरिषद् बैठकले १५ गतेदेखि सकिन लागेको लकडाउन बैशाख २५ गतेसम्म लम्ब्याउने निर्णय गरेपछि सार्वजनिक खरिद अनुगमन कार्यालयले सोमबार सूचना प्रकाशित गरेर म्याद थपको व्यवस्था मिलाउन भनेको हो।
अब लकडाउन अवधिभर इ–बिडिङ, बोलपत्र खरिद र दाखिला गर्ने तथा कामको सम्झौता लगायतका कार्य म्याद थप ठेक्का लगाउने केन्द्र, प्रदेश तथा स्थानीय तहले नै गर्न सक्ने व्यवस्था गरिएको छ।
निर्माण व्यवसायीहरु एक ठाउँबाट अर्को ठाउँसम्म आवतजावत गर्न नसकिने अवस्थामा बैंक ग्यारेण्टीलगायतका कागजात तयार गर्न नसकिने भएकोले निर्माण कार्यका सबै खरिद प्रक्रियाहरुमा भाग लिन सक्ने अवस्था नरहेकोले खरिद प्रक्रियामा स्वच्छ प्रतिस्पार्धा समेत हुन नसक्ने भन्दै सबै सार्वजनिक निकायहरुमा निर्माण कार्यको खरिद प्रक्रिया रोक्न महासंघले अनुरोध गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791596882.png)
-1786602170.png)
-1791562069.png)
