बैंक/बिमा/सेयर

वाणिज्य बैंकको सिइओमा किरणकुमार श्रेष्ठ दोहोरिए

नेपाल लाइभ बिहीबार, चैत २७, २०७६ १९:२२

काठमाडौं- राष्ट्रिय वाणिज्य बैंकको प्रमुख कार्यकारी अधिकृत (सिइओ)मा किरणकुमार श्रेष्ठको पुन: नियुक्ति भएको छ। बैंक सञ्चालक समितिको बिहीबारको बैठकले ४ वर्षका लागि उनलाई पुन: नियुक्त गर्ने गर्ने निर्णय गरेको हो।

सञ्चालक समितिका अध्यक्ष निर्मलहरि अधिकारीले श्रेष्ठलाई सिइओमा दोहोर्यावउने निर्णय भएको जानकारी दिए।

'सञ्चालक समितिले उहाँको ४ वर्षे कार्यकालको मूल्यांकन गरेको थियो,' अधिकारीले भने, 'कार्यसम्पादन मूल्यांकनअनुसार उत्कृष्ट काम भएको पाइएपछि बैंक तथा वित्तीय संस्थासम्बन्धी ऐनको व्यवस्थाअनुसार दोस्रो कार्यकालका लागि नियुक्त गर्ने निर्णय भएको छ।'

बैंक तथा वित्तीय संस्थासम्बन्धी ऐनमा बैंकका सिइओ तथा सञ्चालक समितिका सदस्यले बढीमा दुई कार्यकाल काम गर्न सक्ने व्यवस्था छ।

बैंक सञ्चालक समितिका सदस्य धनिराम शर्मा नेतृत्वको तीन सदस्सीय समितिले श्रेष्ठको कार्यसम्पादन मूल्यांकन गरेको गरेको थियो। यसैगरी उनीसँग माग गरिएको 'बिजनेस प्लान'को मूल्यांकन पनि यही समितिले गरेको थियो।

कार्यसम्पादन मूल्यांकन तथा बिजनेस प्लानको मूल्यांकनका आधारमा उनलाई सिइओ नियुक्त गरिएको होऽ

चार वर्षअघि केपी शर्मा ओली नेतृत्वकै सरकार रहेका बेला वाणिज्य बैंकमा उनको नियुक्ति भएको थियो। पूर्ण सरकारी स्वामित्को बैंकले गत आर्थिक वर्षमा सरकारलाई १२ प्रतिशत लाभांश दिएको थियो।

श्रेष्ठ नेपाल व्यवस्थापन संघका अध्यक्ष पनि हुन्।

यो पनि पढ्नुहोस्

राष्ट्रिय वाणिज्य बैंक उज्यालो बनाउने 'किरण'शुक्रबार, फागुन २३, २०७६

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अवैध रुपमा लाओस भई थाइल्यान्ड छिरेका नेपालीलाई फर्काइयो नेपाल

एक महिनादेखि रेसुङ्गा विमानस्थलमा हवाई सेवा बन्द

ट्रम्पको शपथग्रहणकै दिनबाट गैरकानूनी आप्रवासी पक्राउ र डिपोर्ट हुँदै, सिकागोबाट सुरु हुने