काठमाडौं- पूर्वराजा ज्ञानेन्द्र शाहले कोरोना भाइरस संक्रमण‚ रोकथाम‚ नियन्त्रण र उपचार कोषमा हिमानी कोषमार्फत २ करोड सहयोग गर्ने बताएका छन्।
मंगलबार एक सन्देश जारी गर्दै पूर्वराजा शाहले यो आपतकालीन घडीमा आफ्नो ज्यानको परवाह नगरी सेवामा खटिने सुरक्षाकर्मी तथा स्वास्थ्यकर्मीलगायतप्रति आभार व्यक्त गरेका छन्।
यस्तो संकटको घडीमा सबैले आ-आफ्नो क्षेत्रबाट साथ दिनुपर्ने बताउँदै उनले‚ ‘दुःख-कष्ट र आपत विपदको यो घडीमा सबैको साथ दिँदै हाम्रो तर्फबाट हिमानी कोषलाई रु २ करोड दिई नेपाल सरकारको “कोरोना भाइरस संक्रमण‚ रोकथाम‚ नियन्त्रण र उपचार कोष”मा दाखिला गर्न बुझाएका छौं।’ भनी उल्लेख गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
