काठमाडौं–बैशाख पहिलो सातासम्म स्थिति सुधारोन्मुख नरहे विद्यालयहरुमा अनलाइनबाट पढाउने तयारी गरिएको छ। निजी विद्यालयहरुको संगठन प्याब्सनले बैशाख पहिलो सातासम्म यही अवस्था रहे विद्यालयसँग समन्वय गरी घरमै बसे पढ्ने व्यवस्था गर्ने जनाएको छ।
‘हामीले अनलाइन पढाइ भएका दक्षिण एसियाका अन्य मुलुकको अवस्थाबारे अध्ययन थालेका छौँ,’ प्याब्सनका महासचिव कुमार घिमिरेले भने, ‘वैशाख पहिलो हप्तासम्म पाठ्यक्रमलाई खासै असर पर्दैन त्यसपछि पनि यही अवस्था रहे विद्यालयहरुसँग समन्वय गरि घरमै बसेर पढ्ने व्यवस्था गर्छौ।’
सहरी क्षेत्रमा निजी विद्यालय धेरै भए पनि मुलुकभर सरकारी विद्यालय ३५ हजार छन्। सरकारी विद्यालयमा पढेका विद्यार्थीहरुका लागि पनि अनलाइन, टिभि र आवश्यक परे रेडियोबाट समेत पढाइ गर्नेबारे छलफल भइरहेको शिक्षा मन्त्रालयका प्रवक्ता दीपक शर्माले बताए।
‘हामीले अनलाईन कोर्षहरु राखेका छौँ,’ प्रवक्ता शर्माले भने, ‘अनलाइन सेवा भएकालाई अनलाइन कोर्ष र अनलाइन सुविधा नभएका विद्यार्थीलाई रेडियो टिभी अथवा अरु कुनै माध्यम बाट पढाइ गर्छौ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
