काठमाडौं- कोरोना भाइरसको संक्रमण फैलन नदिन सबै व्यावसायिक उडान स्थगित गर्ने निर्णय सरकार गरेपनि नियामक निकाय नेपाल उड्डयन प्राधिकरणले आपत्कालीन र कार्गो उडानमा प्राधिकरणको अनुमतिमा संचालन गर्न सकिने स्पष्ट पारेको छ।
आइतबार सरकारले अप्रिल १५ सम्म सबै आन्तरिक तथा अन्तर्राष्ट्रिय उडान स्थगित गर्ने निर्णय गरेको भोलिपल्टै नियामक निकाय प्राधिकरणले यस्तो स्पष्ट पारेको हो।
प्राधिकरणले सोमबार ट्विट गर्दै प्राधिकरणबाट विशेष अनुमति लिएर आपत्कालीन उडान, विदेशी नागरिकलाई स्वदेश फर्काउन गरिने उडान, कार्गो फ्लाइट संचालन गर्न सकिने प्रष्ट पारेको हो।
'अप्रिल १५, २०२० राती ११ बजेर ५९ मिनेटसम्म सबै आन्तरिक तथा अन्तर्राष्ट्रिय व्यावसायिक उडान तथा अवतरण स्थगित गरिएको छ,' प्राधिकरणको ट्विटमा उल्लेख छ, 'विदेशी नागरिकलाई स्वदेश फर्काउन गरिने उडान, कार्गो फ्लाइट र आपत्कालीन उडान संचालन गर्न प्राधिकरणको विशेष अनुमितमा आवश्यक हुन्छ।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
