ग्यासको सिलिन्डर बोकाएर सजाय दिने प्रहरी खोज्दै हेडक्वार्टर

कोरोना अपडेट

नेपाल लाइभ सोमबार, चैत १७, २०७६ १६:३०

काठमाडौं- प्रहरी प्रधान कार्यालयले लकडाउन उल्लंघन गर्नेलाई ग्यासको सिलिन्डर बोकाएर सजाय दिने प्रहरीको खोजी शुरु गरेको छ। मोटरसाइकलमा आएका एक जनालाई ग्यासको सिलिन्डर बोकाएर सडकमा सजाय दिइरहेको तस्बिर सामाजिक सञ्जालमा भाइरल भएपछि प्रहरीको आलोचना भएको थियो।

प्रहरीको आलोचना बढेपछि प्रहरी प्रधान कार्यालयले यसरी सजाय दिने महिला प्रहरीको खोजी शुरु गरेको छ। तस्बिर कहाँको हो भन्ने नखुलेको र सजाय दिने महिला प्रहरीले मुखमा मास्क लगाएकाले पहिचानमा समस्या भएको प्रधान कार्यालयका एक अधिकारीले दाबी गरे।

प्रधान कार्यालयले सामाजिक सञ्जाल ट्विट गरेर सो तस्बिरबारे ध्यानाकर्षण भएको र यसबारे छानबिन शुरु गरिएको उल्लेख गरेको छ।

सामाजिक सञ्जालमा प्रहरी कर्मचारीले सर्वसाधारणलाई ग्यासको सिलिण्डर बोकाएर सडकमा बसाएको तस्बिरको सम्बन्धमा सबैबाट प्राप्त भएको सुझाव, गुनासोलाई प्रहरी प्रधान कार्यालयले गम्भिरताका साथ लिएको र आवश्यक छानबिन भइरहेको जानकारी गराउँदछौं ।
— Nepal Police (@NepalPoliceHQ) March 30, 2020

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मानव बेचबिखन गर्न लागेको आरोपमा एक जना पक्राउ

लामिछानेसहित १० जनाविरूद्ध चितवन जिल्ला अदालतबाट पक्राउ पुर्जी जारी

सिन्धुलीमा १८९ किलो गाँजासहित एक जना पक्राउ