काठमाडौं- नेपाल राष्ट्र बैंकको गभर्नर पद खाली भएको १२ दिनपछि सरकारले गभर्नर छनोट समिति बनाएको छ। अर्थमन्त्री डा युवराज खतिवडाको संयोजकत्वमा पूर्व गभर्नर विजयनाथ भट्टराई र विज्ञ कृष्णहरि बाँस्कोटासहित तीन जनाको छनोट समिति बनेको अर्थ मन्त्रालयले जानकारी दिएको छ।
नियम अनुसार यो समिति गभर्नरको कार्यकाल सकिनुभन्दा एक महिना अगाडि नै बनिसक्नु पर्ने थियो। तर दुई तिहाइ बहुमतको सरकार हुँदा पनि अर्थमन्त्री खतिवडाले छनोट समिति बनाउन सकेका थिएनन्।
गभर्नर कसलाई बनाउने भन्ने निर्क्योल हुन नसक्दा समिति बन्न सकेको थिएन। अर्थमन्त्री खतिवडाको राष्ट्रियसभामा कार्यकाल सकिनै लाग्दा उनी दोहोरिने या नदोहोरिने विषयले पनि खतिवडाले यो समिति बनाउन सकेका थिएनन्। राष्ट्रियसभामा उनको अवधि सकिए पनि प्रधानमन्त्री केपी शर्मा ओलीले उनलाई राजीनामा गर्न लगाएर पुनः अर्थमन्त्रीको जिम्मेवारी सुम्पिएका थिए।
डा खतिवडाको अर्थ मन्त्रालयमा दोस्रो इनिङ हुनुभन्दा अगावै प्रधानमन्त्री मृगौला प्रत्यारोपणका लागि अस्पताल भर्ना भए। प्रधानमन्त्रीको सफल मृगौला प्रत्यारोपण लगत्तै सरकार पूर्ण रूपमा करोना भाइरसको बढ्दो संक्रमण रोकथाममा जुट्नु परेकाले समिति बनाउन ढिलाइ भएको हो।
चैत ५ गतेदेखि गभर्नर चिरञ्जीवि नेपालको कार्यकाल सकियो तर गभर्नरको प्रक्रियाँ नै अगाडि बढ्न सकेन। गभर्नर पद खाली भएसँगै नेपाल सरकारले चिन्तामणि शिवाकोटीलाई कामु गभर्नरमा नियुक्त गरेर काम चलाइरहेको छ।
गभर्नरको दौडमा रहेका शिवाकोटीलाई सरकारले नपत्याउदा प्रक्रिया लम्बिएको जानकारहरु बताउछन्। गभर्नर पदका लागि लगानी बोर्डका प्रमुख कार्यकारी अधिकृत महाप्रसाद अधिकारी पनि दौडमा छन्। जानकारहरुका अनुसार खतिवडा बैंकिङ क्षेत्रबाट भन्दा प्रसासन क्षेत्रबाट गभर्नर नियुक्त गर्न चाहन्छन्।
छनोट समितिले खुला प्रतिस्पर्धाबाट तीन जनालाई गभर्नरको लागि मन्त्रिपरिषद्मा सिफारिस गर्नेछ। तीनमध्ये कम्तीमा एक जना डेपुटी गभर्नर हुनु पर्नेछ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
