काठमाडौं–लकडाउनको छैटौं दिन आइतबार बिहानै लकडाउन उल्लघन गर्ने तीन सय जनालाई प्रहरीले नियन्त्रणमा लिएको छ। काठमाडौं उपत्यकाका विभिन्न ठाउँबाट बिहान ७ बजेसम्म तीन सय जनालाई नियन्त्रणमा लिइएको महानगरीय प्रहरी कार्यालय रानीपोखरीका डिआइजी विश्वराज पोखरेलले जानकारी दिए।
उनका अनुसार प्रहरीले अब लकडाउन उल्लघन गर्नेलाई पक्राउ गर्ने छैन। उनीहरुलाई लकडाउन उल्लंघन गरेकै स्थानमा २ घण्टासम्म होल्ड गरेर लकडाउन उल्लघन गर्न नहुनेबारे प्रशिक्षण दिएर घर पठाइनेछ। पक्राउ गर्दा प्रहरी स्वयं जोखिममा पर्ने र पक्राउ गरिएकाहरुलाई समेत गाडीमा हालेर लैजाँदा एकअर्कामा समेत कोरोना भाइरसको सर्ने जोखिम भएकाले पक्राउ गर्ने रणनीति परिवर्तन गरिएको पोखरेलले बताए।
अहिले प्रहरीले लकडाउन उल्लंघन गर्नेलाई नछोई नियन्त्रणमा लिइएका व्यक्तिलाई डेढमिटरका फरकमा राखेर सडकमै कोरोना भाइरस संक्रमण र यसको जोखिमका बारेमा प्रशिक्षण दिँदै घर फिर्ता गराउने गरेको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
