राजविराज- रुघाखोकी र ज्वरोका कारण उपचारका लागि धरान पुर्याइएका एक युवक काठमाडौं रेफर भएका छन्। चैत ८ गते कतारबाट नेपाल आएका सुरुङ्गा नगरपालिका-८ का एक २७ वर्षीय शैलेन्द्र कुमार चौधरीलाई काठमाण्डौं पठाइएको हो।
रुघाखोकी र लगातार ज्वरो आएपछि ११ गते उनी उपचारका लागि धरानस्थित बिपी कोइराला स्वास्थ्य विज्ञान प्रतिष्ठान गएका थिए। स्थानीय स्वास्थ्य केन्द्रमा जाँच गराउँदा पनि ज्वरो र रुघाखोकी नरोकिएपछि थप उपचारका लागि उनलाई धरान पठाइएको थियो।
उनको परिवारका ४ जना सदस्यको राजविराजस्थित गजेन्द्रनारायण सिंह अस्पतालमा स्वास्थ्य जाँच गरिएको छ। उनीहरुलाई क्वारेन्टाइनमा राखिने अस्पतालका प्रमुख मेडिकल सुपरिटेन्डेन्ट डा. चुमनलाल दासले जानकारी दिए।
सप्तरीमा हालसम्म ७६ जनालाई क्वारेन्टाइनमा राखिएको जिल्ला स्वास्थ्य कार्यालय सप्तरीका प्रमुख दुनियाँलाल यादवले जानकारी दिए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।