काेराेना संक्रमित १ लाख २ हजार निको भए

कोरोना अपडेट

नेपाल लाइभ मंगलबार, चैत ११, २०७६ १९:५४

काठमाडौं- कोरोना भाइरस संक्रमित एक लाख २ हजार ९ सय ७२ जना निकाे भएका छन्। जाेन हाेप्किन्स विश्विवद्यालयकाे तथ्यांकअनुसार काेराेनाबाट हालसम्म ३ लाख ९२ हजार ३ सय ३१ जना संक्रमित भएका छन् भने १७ हजार १ सय ५६ जनाले ज्यान गुमाएका छन्।

उपचारपछि निको हुनेमा ६० हजार ३ सय २३ जना चीनका नागरिक रहेका छन्। उनीहरू उपचारपछि निको भएर घरसमेत फर्किएका छन्। चीनमा अहिले पनि ८१ हजार ५ सय ८८ जना संक्रमित रहेका छन् भने ३ हजार १ सय ६० जनाले ज्यान गुमाएका छन्।

यस्तै इरानमा ८ हजार ९ सय १३ जना उपचारपछि निको भएका छन्। इरानमा २४ हजार ८ सय ११ जना संक्रमित रहेका छन् भने १ हजार ९ सय ३४ जनाले ज्यान गुमाएका छन्।

कोरोनाका बिरामी ठीक हुनेको तेस्रो नम्बरमा इटाली रहेको छ। इटालीमा ७ हजार ४ सय ३२ जना बिरामी ठीक भएका छन्। इटालीमा हाल ६३ हजार ९ सय २७ संक्रमित रहेका छन् भने ६ हजार ७७ जनाले ज्यान गुमाएका छन्।

इटालीपछि अर्को युरोपियन मुलुक इटाली रहेको छ। स्पेनका ३ हजार ७ सय ९४ जना बिरामी निको भएर घर फर्केका छन्। स्पेनमा हालसम्म ३९ हजार ६ सय ७३ संक्रमित रहेका छन् भने २ हजार ६ सय ९६ जनाले ज्यान गुमाएका छन्।

पाँचौ नम्बरमा दक्षिण कोरिया रहेको छ। कोरियामा ३ हजार ५ सय ७ जना अस्पतालबाट उपचारपछि निको भएका छन्। कोरियाका हाल पनि ९ हजार ३७ जना बिरामी रहेका छन्।