काठमाडौं– सरकारले विदेशबाट फर्किएका नागरिकहरुको अभिलेख राख्न सबै स्थानीय तहलाई निर्देशन दिएको छ। संघीय मामिला तथा सामान्य प्रशासन मन्त्रालयले कोरोना भाइरस संक्रमण रोकथामका लागि विदेशबाट फर्किएका नागरिकको अभिलेख वडास्तरमै राख्न सबै स्थानीय तहलाई निर्देशन दिएको हो।
कोरोनाबाट बच्न उच्च सतर्कता अपनाउनका लागि यस्तो निर्देशन जारी गरेको जनाउँदै मन्त्रालयले विदेशबाट फर्किएका नागरिकको अभिलेख मन्त्रालयमा दैनिक पठाउन पनि भनेको छ। आइतबार देशभरका स्थानीय तहलाई पत्राचार गर्दै मन्त्रालयले ६ हजार ७४२ वटै वडामा विदेशबाट फर्किएका नागरिकको निगरानी, रेखदेख र सोको संख्यात्मक विवरण दैनिक रूपमा प्रतिवेदन मन्त्रालयमा पठाउन सबै प्रमुख प्रशासकीय अधिकृतलाई निर्देशन गरेको हो।
यसैगरी, कोरोना भाइरस संक्रमण हुन नदिन मन्त्रालयले सामाजिक, सांस्कृतिक कार्यका लागि मठ, मन्दिर, गुम्बा, चर्च, पार्टी प्यालेसलगायतका सार्वजनिक स्थलहरूमा २५ जनाभन्दा बढी भेला हुन नदिन सुझाएको छ भने सिनेमा हल, सांस्कृतिक केन्द्र, रंगशाला, जिम केन्द्र, हेल्थ क्लब, म्युजियम, स्विमिङ पुल, मनोरञ्जन स्थल र डान्सबारजस्ता भीडभाड हुने स्थान चैत मसान्तसम्म बन्द गराउन स्थानीय तहलाई परिपत्र गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
