काठमाडौं- भन्सार विभागले कोरोना रोकथामका लागि प्रयोग हुने सामग्री आयात सहजीकरण गर्न सम्पूर्ण भन्सार कार्यालयलाई निर्देशन दिएको छ। भन्सार विभागमा उपमहानिर्देशकको नेतृत्वमा विशेष टोली गठन गर्दै विभागले सम्पूर्ण भन्सार कार्यालयलाई 'र्यापिड' काम गर्न निर्देशन दिएको हो।
भन्सार विभागका महानिर्देशक सुमन दाहालका अनुसार कोरोना भाइरस रोकथामका लागि प्रयोग हुने सम्पूर्ण मेडिकल सामग्री भन्सारमा आइपुगेको २ घण्टाभित्र जाँचपास हुनेछ। 'कोरोना रोकथामका लागि प्रयोग हुने मास्क, स्यानिटाइजनर, साबुनलगायतका सामग्री भन्सारमा आइपुगेको २ घण्टामा जाँचपास हुने व्यवस्था मिलाउन सम्पूर्ण भन्सार कार्यालयलाई भनेका छौँ,' महानिर्देशक दाहालले भने।
नेपालमा अहिलेसम्म कोरोनाको संक्रमण नभेटिएको भए पनि सावधानी अपनाउन र संक्रमणबाट जोगाउन आवश्यक सहजीकरणका लागि आफूहरुले सहज जाँचपासको व्यवस्था मिलाइएको उनले जानकारी दिए। 'अत्यावश्यक वस्तु आपूर्तिमा कुनै ढिलाइ नहोस् भन्ने उद्देश्यले विभागले सम्पूर्ण भन्सार कार्यालयलाई परिपत्र गरेका छौँ,' दाहालले भने।
जनता कर्फ्यूले भन्सार शान्त
भारतले आइतबारका लागि लगाएको जनता कर्फ्यू र आइतबारको साप्ताहिक बिदाका कारण दुई देशीय व्यापार भएको छैन। सोमबारबाट दुई देशको व्यापार साविक बमोजिम नै हुनेछ।
यसैगरी नेपालबाट हुने निकासी तथा नेपालमा हुने पैठारी यसअघि जस्तै सहज बनाउन पनि विभागले सम्पूर्ण भन्सार कार्यालयलाई परिपत्र गरेको पनि महानिर्देशक दाहालले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749801778.jpg)
-1749797959.png)
-1749979333-1749983311.jpg)
-1749826086.png)
