काठमाडौं- कोरोना त्रासका कारण खाना पकाउने ग्यास सिलिण्डर वितरणमा असहज अवस्था सिर्जना भएपछि नेपाल आयल निगमले उद्योग, व्यसायिक क्षेत्र र विद्यार्थीलाई पहिलो प्राथमिकतामा राखेर वितरणका लागि गृहकार्य सुरु गरेको छ।
वाणिज्य, आपूर्ति तथा उपभोक्ता संरक्षण विभागका महानिर्देशक नेत्रप्रसाद सुवेदीले विद्यार्थी र होटल, रेस्टुँराजस्ता व्यवसायिक क्षेत्रमा ग्यास आपूर्तिको अवस्था सहज रुपमा गराउन आयल निगमसँग छलफल भएको र चाँडै नै यो व्यवस्था कार्यान्वयनमा ल्याउने बताए। वास्तविक विद्यार्थी पहिचान गरेर उनीहरुको घरसम्मै ग्यास पुर्याउन व्यवसायीसँगको समन्वयमा संयन्त्र बनाउने विषयमा आयल निगमसँग छलफल भएको उनको भनाइ छ।
यता आयल निगमका कार्यकारी निर्देशक सुरेन्द्र पौडेलले निजी क्षेत्रलाई ग्यास र इन्धन उपलब्ध गराउनका लागि निगमले निर्णय गरेको भएपनि स्कुल, कलेज र विश्वविद्यालय बन्द गर्ने निर्णय भइसकेको अवस्थामा विद्यार्थीलाई पहिलो प्राथमिकतामा ग्यास उपलब्ध गराउने वा नगराउने भन्ने अन्यौलता रहेको बताए।
‘उद्योग व्यवसायलाई त हामीले जसरी पनि बचाउँनै पर्यो। धराशायी हुन दिनुभएन। त्यसका लागि छुट्टै आउटलेट खोल्ने पनि निगमले तयारी गरेको छ। तर विद्यार्थीको हकमा स्कुल, कलेज बन्द भइसकेकाले के गर्ने भन्ने अन्यौलता छ,’ कार्यकारी निर्देशक पौडेलले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791562069.png)
