धितोपत्र बोर्डले बोलायो सरोकारवाला, नेप्सेको कारोबार रोक्न लगानीकर्ताको सुझाव

कोरोना अपडेट

नेपाल लाइभ बिहीबार, चैत ६, २०७६ १२:२६

काठमाडौं- सरकारले कोरोना भाइरसको संक्रमण नियन्त्रण गर्न सबै पक्षलाई 'हाइ अलर्ट' गराएसँगै नेपाल धितोपत्र बोर्डले सरोकारवाला सबैलाई छलफलका लागि बोलाएको छ। बिहीबार यो समाचार तयार गर्दाको समयमा लगानीकर्ता संघ संगठन, नेप्से, ब्रोकरबीच छलफल भइरहेको छ।

नेपाल सरकारले बुधबार एकै ठाउँमा २५ जनाभन्दा धेरै नबस्न निर्देशन दिइसकेको छ। ब्रोकर कार्यालयमा कारोबारका लागि लगानीकर्ताको भिडभाड हुने भएकाले केही समयसम्मका लागि कारोबार रोक्का गर्नु पर्ने ब्रोकर एसोसिएसनका अध्यक्ष भरत रानाभाटले जानकारी दिए।

बोर्डले ब्रोकर एसोसिएसनलाई कारोबार रोक्का गर्ने या नगर्ने भन्ने विषयमा छलफलका लागि बोलाएको छ। छलफलमा कारोबार रोक्का गर्न सुझाव दिने उनले नेपाल लाइभसमक्ष बताएका छन्। बोर्डले सम्पूर्ण सरोकारवालासँग छलफल गरिरहेको नेपाल धितोपत्र बोर्डका प्रवक्ता निरज गिरीले जानकारी दिए। अहिलेसम्म कारोबार रोक्का गर्ने निर्णय नभए पनि सबै पक्षले कारोबार रोक्का गर्न सुझाव दिएका छन्।

कोरोना भाइरसको संक्रमणबाट हुन सक्ने क्षतिलाई मध्यनजर गर्दै नेपाल सरकारले हाइ अलर्टको संकेत प्रदान गरेकाले कारोबार रोक्का गर्दा उचित हुने बजार विश्लेषक अम्बिकाप्रसाद पौडेलले बताए।

'सेयर बजारमा अझै पनि पूर्ण रुपमा अनलाइन कारोबार भैइ सकेको छैन। भुक्तानी, राफसाफको काम गर्न बाहिर निस्कनुपर्ने बाध्यता भएकाले केही समय कारोबार बन्द गर्नुपर्छ,' पौडेललको सुझाव छ।

विश्व बजारमै कोरोनाले असर गर्न थालेपछि सेयर बजार बन्द गर्न थालिएको छ। यदि बजार सुचारु गरिरहने हो भने सेयर बजार थप क्र्यास हुने पौडेलले बताए। बजारमा थप दुर्घटना हुन नदिन केही समयका लागि बजार रोक्का गर्नुपर्ने उनको भनाइ छ।

समग्र आर्थिक सामाजिक जनजीवन नै प्रभावित भइरहेको अवस्थामा सेयर बजार खोल्नु पर्ने बाध्यता नभएको एसोसिएसनका अध्यक्ष रानाभाटले बताए। लगातार सुधार भैरहेको बजार पछिल्लो समय कोरोनाको सन्त्रासले घटिरहेको छ। लगानीकर्ताको मनोबल गिरिरहेको अवस्थामा कारोबार सुचारु गर्न उचित नहुने लगानीकर्ताहरुको सुझाव छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यस्तो छ आजको तरकारी र फलफूलको मूल्य

खो खो विश्व कप : उपाधिका लागि पुरुष र महिला दुबै टोलि भारतसँग भिड्दै

हङकङमा कोर्स रेकर्ड बनाउँदै सुनमायाले जितिन् उपाधि