काठमाडौं- कोरोना भाइरस (कोभिड–१९) को संक्रमण विश्वका १७० देशमा फैलिएको छ।
बुधबार साँझ यो समाचार तयार पार्दासम्म विश्वभरमा कोरोना भाइरसको संक्रमण २ लाख ६ हजार ८ सय ४५ जनामा देखिएको छ। भाइरसका कारण ८ हजार २ सय ७२ जनाको मृत्यु भइसकेको छ। यस्तै ८२ हजार ८ सय ८९ जना उपचारपछि निको भएका छन्।
बुधबार मात्रै विभिन्न देशमा गरेर ८ हजार ६ सय २४ जना नयाँ बिरामी भेटिएका छन् भने ३ सय ५ जनाको मुत्यु भएको छ।
विश्वमा सबैभन्दा बढी संक्रमित देशहरु
१. चीन
चीनमा अहिलेसम्म ८० हजार ८ सय ९४ जनामा कोरोनाको संक्रमण देखिएको छ। बुधबार १३ जना नयाँ बिरामी थपिएका छन्। चीनम अहिलेसम्म ३ हजार २ सय ३७ जनाको मुत्यु भैसकेको छ भने बुधवार मात्र ११ जनाको मृत्यु भएको छ।
२. इटाली
इटलीमा यो समाचार तयार पार्ने समयसम्म ३१ हजार ५ सय ६ जना बिरामी संक्रमित छन्। कोरोना भाइरसका कारण २ हजार ५ सय ३ जनका मुत्यु भएको छ। बुधबार कुनै पनि नयाँ बिरामी नथपिएको इटाली अधिकृतहरुले जनाएका छन्।
३. इरान
इरानमा अहिलसम्म १७ हजार ३ सय ६१ जनामा कोरोना भाइरसको संक्रमण फेला परेको छ। बुधबार मात्र १ हजार १ सय ९२ जना नयाँ बिरामी थपिएका छन्। इरानमा कोरोना भाइरसका कारण १ हजार १ सय ३५ जनाको मृत्यु भएको छ। बुधबार १ सय ४७ जनाको मुत्यु भएको तथ्यांक छ।
४. स्पेन
स्पेनमा १३ हजार ७ सय १६ जना संक्रमित भएका छन् भने बुधबार १ हजार ८ सय ९० जना नयाँ बिरामी थपिएका छन्। त्यस्तै अहिलेसम्म स्पेनमा ५ सय ९८ जनाको मुत्यु भैसकेको छ। बुधबार ६५ जनाको मृत्यु भएको छ।
५. जर्मनी
जर्मनीमा १० हजार १ सय २० जना बिरामी संक्रमित छन्। बुधवार ७ सय ५३ जना नयाँ बिरामी थपिएका छन्। जर्मनीमा कोरोनाका कारण अहिलेसम्म २७ जनाको मृत्यु भइसकेको छ।
६. दक्षिण कोरिया
दक्षिण कोरियामा ८ हजार ४ सय १३ जना संक्रमित भैसकेका छन्। बुधबार मात्र ९३ जना नयाँ बिरामी थपिएका छन्। दक्षिण कोरियामा अहिले सम्म मुत्यु हुनेको संख्या ८४ जना रहेको छ। बुधबार ३ जनाको मुत्यु भएको छ।
७. फ्रान्स
फ्रान्समा अहिलेसम्म ७ हजार ७ सय ३० जना कोरोना भाइरसबाट संक्रमित भएका छन्। यो भाइरसका काररण फ्रान्समा १ सय ७५ जनाको मृत्यु भएको छ।
८. अमेरिका
संयुक्त राज्य अमेरिकामा हालसम्म ७ हजार ७ सय ३० जना संक्रमित भएका छन्। बुधबार अमेरिकामा ८ सय ९० जना नयाँ बिरामी थपिएका छन्। अहिलेसम्म अमेरिकामा कोरोना भाइरसका कारण १ सय १६ जनाको मृत्यु भएको छ। बुधबार मात्र ७ जनाको मृत्यु भएको छ।
९. स्विटजरल्यान्ड
स्विटजरल्यान्डमा हालसम्म २ हजार ७ सय ४२ जनालाई कोरोना भाइरसको संक्रमण देखिएको छ। भाइरसका कारण त्यहाँ २७ जनाको मृत्यु भएको छ।
१०. नेदरल्यान्ड
नेदरल्यान्डमा हालसम्म २ हजार ५१ जनामा कोरोना भाइरसको संक्रमण देखिएको छ। भाइरसका कारण ५८ जनाको मृत्यु भइसकेको छ। बुधबार मात्र १५ जनाको मृत्यु भएको हो। बुधबार नेदरल्यान्डमा ३ सय ४६ जना नयाँ बिरामी थपिएका छन्।
११. युके
युकेमा १ हजार ९ सय ५० जनामा संक्रमण देखिसकेको छ भने मुत्यु हुनेको संख्या ७१ पुगेको छ।
१२. नर्वे
नर्वेमा भाइरसका कारण ६ जनाको मृत्यु भएको छ। भाइरसको संक्रमण १ हजार ५ सय २७ जनामा छ। बुधबार ३ जनाको मृत्यु भएको हो।
१३. बेल्जियम
बेल्जियममा १ हजार ४ सय ८६ जना सक्रमित भएका छन्। बुधबार मात्र २ सय ४३ जना नयाँ बिरामी थपिएका छन्। बेल्जियममा मुत्यु हुनेको संख्या १४ पुगेको छ। बुधबार ४ जनाको मृत्यु भएको हो।
१४. अष्ट्रिया
अष्ट्रियामा कोरोना भाइरसको संक्रमण १ हजार ४ सय ७१ जनामा देखिएको छ। भाइरसका कारण अष्ट्रियमा ३ जनाको मृत्यु भएको छ।
१५. स्विडेन
स्विेडनमा हालसम्म १ हजार २ सय ९२ जनामा कोरोना भाइरसको संक्रमण देखिएको छ। भाइरसका कारण स्विडेनमा ८ जनाको मृत्यु भएको छ।
यो पनि
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
