चुङचीङ्ग (चीन)- ‘हेर ! कत्रो ठूलो माछा!’ पहिले सामान्य रुपमा माछा मार्न जाने डिङ्ग शिजयुले तालमा एउटा माछा समातेपछि खुसी हुँदै भने।
माछा मार्न जाँदा पूराना साथीलाई भेटे उनले।
चीनमा गत जनवरीदेखि कोरोनाले महामारीको रुप लिएपछि डिङ्ग आफ्नो पेशा अर्थात् माछा मार्ने काम गर्न असमर्थ थिए।
उनले आफ्ना साथीतर्फ इसारा गर्दै भने, ‘हामी अझैँ जीवित छौं, म खुसी छु खराब दिन गए ।’
अर्को माछा समात्न सुरु गर्नुअघि मुस्कुराउँदै उनले भने, ‘नयाँ वर्षपछि म पहिलोपटक यो तालमा माछा मार्न आएको छु। धरै खुसी छु ।’
कोरोना भाइरसविरुद्ध लड्न केन्द्रीय सरकारले देशभर क्वारेन्टाइन लागू गरेपछि डिङ्गले पनि करिब दुई महिना क्वारेन्टाइनमा बिताए।
कोरोना भाइरसको उत्पत्तिस्थल ठानिएको हुबेई प्रान्तस्थित उहान पुरै ‘सिल’ गरिएको थियो। अहिले यहाँको वातावरण बिस्तारै ठीक हुँदै गइरहेको छ ।
हुबेईसँगै जोडिएको डिङ्गको गृहनगरमा सुरुमा ५ सयभन्दा बढी कोरोना संक्रमित थिए। तर, केही दिनदेखि सहरमा नयाँ संक्रमित भेटिएका छैनन्।
देशभरका ३४ मध्ये १३ प्रान्तमा संक्रमण पूर्णरुपमा रोकिएको छ र करिब ८१ हजार संक्रमितमध्ये ६९ हजार ‘डिस्चार्ज’ भैसकेका छन्।
दबाब कम हुँदै
अझै पनि १० हजार संक्रमित उपचाररत भएपनि हुबेइमा अंग्रपंक्तिमा रहेर काम गर्ने स्वास्थ्यकर्मीमा तनाव कम भएको छ। कोरोना प्रकोप नियणन्त्रणका लागि गत मार्च १७ मा उहान पठाइएका करिब ४ हजार स्वाथ्यकर्मीको टोली त्यहाँबाट हिडिसकेका छन्।
धेरै प्रान्तले आपतकालीन अवस्थालाई घटाउँदै लगेका छन्। चीन बिस्तारै सामान्य जनजीवनमा फर्कँदै छ।
घरमै अनलाइन अध्यन गरेर बिताएका विद्यार्थीको पढाई फेरि सुरु हुँदैछ।
गुइझोउ, किंघई, तिब्बत र सिन्झियाङ प्रान्त संक्रमणको कम जोखिम भएको प्रान्तमा वर्गिकृत भएपछि स्थानीय सरकारले यो महिना कक्षा सुरु गर्न शैक्षिक संस्थाहरुलाई अनुमति दिएका छन्।
‘अनलाइन पढ्ने समयमा मैले ध्यान केन्दित गर्न सकेको थिइनँ र अरु थप समय बर्बाद गर्न सक्दिनथेँ किनभने कलेज प्रवेश परीक्षा केही महिनामै हुन्छ,’ ग्वाङझाउका एक विद्यार्थी ओयुआंग यानजियांगले भने, ‘मलाई खुसी लागिरहेको छ, म फेरि स्कुल जाँदै छु ।’
यस्तै, बन्द गर्न आदेश दिएका कलकारखानाहरु पनि अब खुल्ने तयारीमा छन्।
यातायात प्रतिबन्ध खुल्दै
कैयौं प्रान्त र सहरले सार्वजनिक यातायात फेरि सुचारु गरेका छन्, जसमा जनवरी २३ देखि बन्द गरिएका लामो दूरीका अन्तरप्रान्तीय बस पनि छन्। हुबेईमै पनि कम र मध्यम जोखिम भनेर किटान गरिएका क्षेत्रमा पनि सार्वजनिक यातायात सुचारु गर्न अनुमति दिइएको छ।
प्रकोपबारेको समाचार कभरेजमा पनि कमी आएको छ। जनवरी अन्तिमदेखि फ्रेब्रुअरीसम्म कोरोना भाइरसबारेको समाचार नभएको टेलिभिजन भेटाउन या मोबाइल फोनको उपयोग गर्न मुश्किलथियो ।
उहाननिवासी जेंग युनरुले भने, ‘अब टिभीमा कोरोनाबाहेकका समाचार पनि हेर्न पाइएको छ।’
जसै–जसै जीवन सामान्य हुन लाग्छ, विशेषज्ञहरु अझै जोखिम भएको भन्दै चिन्ता प्रकट गर्छन्।
चीन कोरोनाको दोस्रो झड्काबाट प्रभावित हुन सक्छ, किनभने यसले अहिले विश्वव्यापी रुपमा महामारीको रुप लिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_k6NyB2pvBh-1772612065.jpg)
-1764146706.png)
