काठमाडौं- सबैभन्दा शक्तिशाली सरकारले नेपाल राष्ट्र बैंकको गभर्नर नियुक्त गर्न नसक्दा अहिले यो पद खाली छ। विभिन्न राजनीतिक दल मिलेर संयुक्त सरकार बनाउँदा पनि रिक्त नभएको यो पद इतिहासकै शक्तिशाली सरकार गठन भएका बेला रिक्त हुन पुगेको हो।
सरकारले कमजोरीका कारण गभर्नर पद रिक्त हुने दिनसम्म पनि नयाँ गभर्नरका लागि सिफारिस समितिसमेत बन्न सकेन। गभर्नर खाली हुनुभन्दा एक महिनाअगाडि नै छनौट समिति बनाउने प्रावधान भए पनि सरकारले कुनै पनि प्रक्रिया अगाडि बढाएन।
अर्थमन्त्री डा युवराज खतिवडाको राष्ट्रियसभा सदस्यको कार्यकाल सकिनै लाग्दा उनलाई नदोहोर्याउने राजनीतिक परिदृष्यका अगाडि खतिवडाले गभर्नर नियुक्तिको प्रक्रिया अघि बढाएनन्। अर्थमन्त्रीमा खतिवडा दोहोर्याएर नियुक्त भए पनि त्यसपछिको अवधिमा समेत प्रक्रिया अघि बढेन।
अर्थमन्त्रीको नियुक्तिसँगै प्रधानमन्त्री केपी शर्मा ओली मिर्गौला प्रत्यारोपणका लागि अस्पताल भर्ना भए। त्यसपछि मन्त्रिपरिषदको बैठक नै बस्न सकेन र गभर्नर नियुक्तिको प्रक्रिया अघि बढेन।
मंगलबार गभर्नर चिरंजिबी नेपालको कार्यकाल सकिएसँगै नेपाल सरकारले राष्ट्र बैंकका डेपुटी गभर्नर चिन्तामणि शिवाकोटीलाई कायममुकायम गभर्नर नियुक्त गरेको छ।
गभर्नर पदको दौडमा रहेका शिवाकोटी प्रधानमन्त्री र अर्थमन्त्री दुवैको पहिलो रोजाइ होइनन्। स्रोतहरुले दिएको जानकारीअनुसार शिवाकोटीलाई गभर्नर बनाउने पक्षमा अर्थमन्त्री खतिवडा छैनन्। उनी राष्ट्र बैंकबाहिरका व्यक्तिलाई गभर्नर बनाउन चाहन्छन्। तर शिवाकोटीले भने प्रधानमन्त्रीको फेरो समाउने कोशिस गरिरहेका छन्।
सबैभन्दा बलियो सरकार भएकै बखतमा गभर्नर नियुक्त हुन नसक्नु अचम्म भएको नेपाल राष्ट्र बैंकका पूर्व गभर्नर डा तिलक रावलले बताए। केही दिनका लागि गभर्नर पद खाली हुँदा खासै असर नपरे पनि यसले राम्रो सन्देश प्रदान नगर्ने रावल बताउँछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1764146706.png)
