काठमाडौं–क्यासिनो सञ्चालनवापतको रोयल्टी र इजाजत नवीकरणको रकम तिर्न पाँच तारे होटल सञ्चालकहरुलाई सरकारले थप ३५ दिनको समय दिएको छ।
महालेखा नियन्त्रक कार्यालय कुमारीचोक तथा केन्द्रीय तहसील कार्यालयले फागुन २३ गते सूचना प्रकाशन गर्दै क्यासिनो सञ्चालनवापत्को रकम ३५ दिनभित्र बुझाउन व्यवसायी र होटललाई निर्देशन दिएको हो।
कार्यालयले साँवा, ब्याज र सरकारी नियम अनुसारको जरिवाना रकम भुक्तानीका लागि निर्देशन दिएको छ। पटक–पटक सार्वजनिक सूचना जारी गर्दा पनि रकम भुक्तानी नभएको भन्दै अन्तिम पटकमा लागि सूचना प्रकाशन गरिएको कार्यालयले जनाएको छ।
तोकिएको मितिभित्र पनि बक्यौता रकम भुक्तानी नभए सम्बन्धित होटल तथा व्यावसायीबाट जायजेथा दाबी गरी लिलामीबाट असुली गर्ने कार्यालयले जनाएको छ।
कस–कसले तिरेनन्?
कार्यालयका अनुसार ७ वटा क्यासिनो सञ्चालनको बक्यौता रकममात्रै १ अर्ब ५७ करोड ४२ हजार २ सय ५१ रुपैयाँ छ। सूचनामा नेपालमा क्यासिनो भित्र्याउने आरडी टटल समेतको नाम छ। टटलको केही समय अगाडिमात्रै अमेरिकामा उपचारका क्रममा निधन भएको थियो।
त्यस्तै पोखरामा बन्द रहेका दि फुलबारी रिसोर्टका पियुष अमात्य, अन्नपूर्ण इन्टरनेशनल प्रालिका तप्तबहादुर विष्ट, होटल याक एण्ड यतीका सञ्चालक राधेश्याम सर्राफ, होटल सोल्टी प्रालिका कार्यकारी अध्यक्ष दिनेशबहादुर विष्ट, रिक्रिएशन सेन्टर प्रालिका राकेश वाध्वा र ह्यापी आवर प्रालिका सञ्चालक सुरेन्द्रबहादुर सिंहको तीन पुस्तेसमेत छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749979333-1749983311.jpg)
-1749801778.jpg)
-1749797959.png)
-1749826086.png)
