काठमाडाैं- दक्षिण कोरियामा पछिल्लो २४ घन्टामा ११० जना कोरोना भाइरस संक्रमित बिरामी फेला परेका छन्। याेसँगै दक्षिण कोरियामा संक्रमित बिरामीको संख्या ७ हजार ९ सय ७९ पुगेको स्थानीय पत्रिकालाई उल्लेख गर्दै बिबीसीले लेखेकाे छ।
पछिल्लो पटक कल सेन्टरहरुबाट यस्तो संक्रमण फैलिएको पाइएको छ। यसअघि एक चर्चबाट कोरना भाइरस संक्रमण फैलिएको थियो।
उत्तर कोरियामा ७० विदेशी क्यारेन्टाइमा
उत्तर कोरियामा कोरना भाइरस संक्रमित भएको आशंकामा ७० विदेशीहरुलाई आइसोलेसनमा राखिएकाे छ। करिव ३०० विदेश भर्खरमात्र आइसोलेनबाट बाहिर आएका थिए।
आयसाेलेसनबाट रिलिज गरिए पनि उनीहरुकाे मेडिकल अनुगमन सरकारले गरिरहेको उत्तर कोरियाको समाचार एजेन्सीलाई उदृत गर्दै बीबीसीले जनाएको छ। विदेशीबाट सर्ने जोखिमलाई ख्याल गर्ने भन्दै फेब्रुअरीमै उत्तर कोरियाले डिप्लोम्याट र त्यहाँ कार्यरत रहेका कर्मचारीलाई क्यारेन्टाइलमा राखेको थियो। हालसम्म उत्तर कोरियामा संक्रमण भएको पुष्टि हुन सकेको छैन।
थाइल्याण्डमा पाँच व्यक्तिमा
थाइल्याण्डमा कोरना भाइरसका पाँच नयाँ बिरामी भेटिएका छन्। हालसम्म थाइल्याण्डमा ७५ जना पुगेका छन्। दुई व्यक्तिमध्ये एक हङकङका साथीसँग संगतमा रहेका थिए। अन्य दुई व्यक्ति दक्षिण कोरियाबाट फर्केका हुन्।
उनी कोरियाबाट कस्मेटिक सर्जरी गरेर फर्केका थिए। उनीहरु पबमा पनि गएकाले अन्य व्यक्तिमा पनि संक्रमण भएको हुनसक्ने आशंका गरिएको छ।
घानामा पहिलो संक्रमण देखियो
अफ्रिकी देश घानामा पहिलाे पटक काेराेना भाइरसबाट संक्रमित बिरामी भेटिएका छन्। एकै पटक दुई बिरामीमा कोरोना संक्रमण भएको देखिएको छ।
घानाका स्वास्थ्यमन्त्री क्वाकु एग्माग माउले दुईजना मानिसमा कोरना भाइरस देखिएको बताए। नर्वे र टर्कीबाट आएका उनीहरुको जाँचमा पोजेटिभ देखिएको उनले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
