काठमाडौं- सरकारले वरिष्ठतम सहसचिव एकनारायण अर्यालको बढुवा गरेको छ।
कलकत्तास्थित महावाणिज्यदूत रहेका अर्याललाई बढुवा गर्दै काठमाडौं महानगरपालिकाको प्रमुख कार्यकारी अधिकृत बनाइएको छ।
काठमाडौंका प्रमुख जिल्ला अधिकारीसमेत भइसकेका अर्याललाई महानगरपालिकाको प्रमुख कार्यकारी बनाउने निर्णय आइतबारको मन्त्रिपरिषद बैठकले गरेको हो।
यसैगरी बरिष्ठतमको दोस्रो बरियतामा रहेका सहसचिव रामशरण पुडासैनीलाई कायममुकायम सचिव बनाउँदै अर्थ मन्त्रालयको राजस्व सचिवमा पोस्टिङ गरिएको छ। उनी अर्थ मन्त्रालयको बजेट तथा कार्यक्रम महाशाखा प्रमुख छन्।
यसैगरी काठमाडौं महानगरपालिकाका प्रमुख कार्यकारी अधिकृत केदार न्यौपानेलाई भूमिव्यवस्था, सहकारी तथा गरिबी निवाण तथा सहकारी मन्त्रालयको सचिव बनाइएको छ।
भूमि व्यवस्थाका सचिव सूर्यप्रसाद गौतमको सरुवा संघीय मामिला तथा सामान्य प्रशासन मन्त्रालयमा गरिएको छ। संघीय मामिलाका यादवप्रसाद कोइरालाको सरुवा स्वास्थ्य मन्त्रालयमा गरिएको छ।
स्वास्थ्यका खगराज अधिकारीलाई उपराष्ट्रपतिको कार्यालय पठाइएको छ। उपराष्ट्रपतिको कार्यालयका तत्कालीन् सचिव रामकुमार आचार्यको अवकाशपछि सचिव पद रिक्त थियो।
यस्तै महिला, बालबालिका तथा ज्येष्ठ नागरिक मन्त्रालयमा यामकुमारी खतिवडालाई लगिएको छ। उनको स्थानमा केही समयअघि वाणिज्य सचिवबाट महिला मन्त्रालय आएका चन्द्र घिमिरेलाई पठाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
