काठमाडौं- अदालतको आदेश र फैसलामा छुटेकाहरूलाई पुनः पक्राउ गरेर मानहानी गरेको मुद्दामा सर्वोच्च अदालतले एक तह ‘जम्प’ हानेको छ। अदालतमा उपस्थित हुन आदेश दिँदा सर्वोच्चको संयुक्त इजलासले एक स्टेप जम्प हान्दै महानगरीय प्रहरी परिसर काठमाडौंका प्रमुखबाट सिधै प्रहरी महानिरीक्षकलाई डाकेको हो। अदालतले महानगरीय प्रहरी कार्यालयलाई भने छाडेर एकैपटक महानिरीक्षकलाई अदालत उपस्थित हुन आदेश जारी गरेको हो।
अदालतलको आदेशमा छुटेकालाई प्रहरीले पक्राउ गरेर हिरासतमा लिएपछि भीमप्रसाद अधिकारी, हरिचन्द्र खड्का र विष्णुप्रसाद अधिकारीले बन्दीप्रत्यक्षीकरणको रिट हालेपछि उनीहरु फागुन ५ मा छुटेका थिए। सोही दिन महानगरीय प्रहरी वृत्त सिंहदरबारले उनीहरूलाई सर्वोच्चको गेटैबाट पक्राउ गरेको थियो। फागुन १६ मा यी तीनै जनालाई तत्काल छाड्न आदेश दिँदै अदालतले आफ्नो मानहानी गरेको भन्दै प्रहरी महानिरीक्षकसहित प्रहरीका चार कार्यालय प्रमुखलाई सात दिनभित्र अदालतमा उपस्थित हुन आदेश जारी गरेको थियो।
महानगरीय प्रहरी वृत्त सोह्रखुट्टे, महानगरीय प्रहरी वृत्त सिंहदरबार, महानगरीय प्रहरी परिसर काठमाडौंका प्रमुख र प्रहरी महानिरीक्षकका नाममा अदालतलबाट सात दिनको म्याद जारी भयो।
अदालतबाट म्याद जारी गर्दा प्रहरीको चेन अफ कमान्डअनुसार तल्लो निकाय वृत्तदेखि प्रहरी महानिरीक्षकसम्मलाई मानहानीमा अदालत उपस्थित हुन आदेश जारी भएको देखिन्छ।
तर चेन अफ कमान्डमा एक अदालतले एक तहको प्रहरी कार्यालयलाई भने छोडेर माथिल्लो तहको प्रहरी कार्यालयलाई अदालतमा उपस्थित हुन भनेको छ। अदालतले छोडेको प्रहरी कार्यालय हो, महानगरीय प्रहरी कार्यालय रानीपोखरी।
प्रहरी नियमावलीमा प्रहरी कर्मचारीको काम, कर्तव्य र अधिकारमा सबैभन्दा माथिल्लो तह प्रहरी महानिरीक्षक हो। महानगरीय प्रहरी संरचनालाई हेर्ने हो भने उपत्यकामा भएका गतिविधिको प्रत्यक्ष निगरानी, नियन्त्रण र अनुगमन गर्ने जिम्मेवारी महानगरीय प्रहरी कार्यालयको हो। नियमावलीको परिच्छेद ६ ले महानगरभित्र प्रहरीले गर्ने कामको जिम्मेवारी महानगरीय प्रहरी प्रमुखलाई तोकेको छ।
यस अगाडि सो कार्यालय प्रमुख एआइजी हुने गरेकोमा पछिल्लो समय एआइजीको दरबन्दी हटाउँदा डिआइजी प्रमुख हुने प्रबन्ध छ।
तर चेन अफ कमान्ड पहिल्याउँदै तल्लो तहको प्रहरी कार्यालयदेखि प्रहरी प्रधान कार्यालयसम्मका प्रमुखलाई अदालतको मानहानीमा अदालतमा उपस्थित हुन आदेश दिँदा संयुक्त इजलासले एक स्टेप जम्प हान्दै महानगरीय प्रहरी परिसरबाट महानगरीय प्रहरी कार्यालय छाडेर एकैपटक प्रहरी महानिरीक्षकलाई डाकेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775455666-1775459306.jpeg)
-1764146706.png)
