काठमाडौं/एजेन्सी- मनपर्ने सेलिब्रेटीलाई लिएर मानिस कति हदसम्म आर्कषित हुनसक्छन्। यसका लागि एडम डेनियलको उदाहरण हेरे हुन्छ। उनले म्याडोनाजस्तो बन्नका लागि ५० लाखभन्दा बढी खर्च गरिसकेका छन्। उनले आफ्नो अनुहारको सर्जरी गरेका छन्। उनी अहिले म्याडोनाजस्तै देखिन्छन्। यसै अनुहारलाई लिएर उनले पछिल्ला १२ वर्षमा ४ हजारभन्दा बढी शो सञ्चालन गरिसके।
एडमले बताएअनुसार उनले आफ्नो गालामा थुप्रै पटक इम्प्लान्ट गरिसके। यसका साथै उनले आईब्रो समेत मिलाउनुपर्यो। अहिले म्याडोनाजस्तो देखिन पाउँदा उनी निकै खुसी लागेको बताउँछन्।
उनलाई १५ वर्षको उमेरमै म्याडोनाजस्तो बन्ने सौख थियो। आमाले म्याडोनाको एल्बम किनेर ल्याउँथिन्। उनी बारम्बार गीत सुन्थे। म्याडोनाको गीत सुनेर छोरा म्याडोनाजस्तै बनेपछि आमा दुखित भएकी छिन्। उनले म्याडोनाको एल्बम घर ल्याउनु आफ्नो गल्ति भएको भन्दै यसमा पश्चाताप लाग्ने बताइन्। आमाका अनुसार एडमको दराज म्याडोनाले लगाउने जस्तै ड्रेसले भरिएको छ। उनको व्यवहार पनि म्याडोनाको जस्तै छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
