नयाँ दिल्ली (एजेन्सी)– भारतमा भएको अटो एक्सपो–२०१८ मा बिएमडब्ल्युले छैटौं जेनेरेशनको एम–५ लक्जरी कार सार्वजनिक गरेको छ।
कारको मूल्य भारतमा १ करोड ४३ लाख पर्ने बताइएको छ। यो कार अहिलेसम्मको सबैभन्दा तीव्र गति र प्राविधिक रुपमा स्तरीय मानिएको छ। कारलाई शून्यदेखि एक सय किलोमिटर प्रतिघन्टाको रफ्तार समात्न ३ दशमलब ४ सेकेन्ड मात्र लाग्ने बताइएको छ।
कम्पनीले कारमा बिएमडब्ल्यू एम एक्सड्राइभ सिस्टमसँगै २–ह्विल ड्राइभ क्षमता प्रदान गरेको छ। जसमा २–ह्विल ड्राइभलाई आवश्यकता पर्दा सहजै ४–ह्विल ड्राइभमा परिवर्तन गर्न सकिन्छ।
बिएमडब्ल्यूले कारमा सबैभन्दा आधुनिक भर्सनको ४ दशमलब ४ लिटर भी–८ इञ्जिन समावेश गरेको छ। जसमा एम ट्विन पावर टर्बो प्रविधि समावेश छ।
कारमा समावेश इञ्जिनले ५९१ एमएचपी पावर र ७५० एनएम पिक टर्क जेनरेट गर्ने क्षमता राख्छ। ५ वटा ड्राइभिङ मोड्स रहेको कारको इञ्जिनमा ८–स्पीड एम स्टेपट्रोनिक ट्रान्समिसन समावेश छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
