काठमाडौँ- स्थानीय तहको तेस्रो चरणको निर्वाचनअन्तर्गत सर्लाहीको हर्कटवा जनता आधारभूत मावि केन्द्रमा ११६ वर्षीय भैरवबहादुर दमाईले मतदान गरेका छन्।
निर्वाचन आयोगस्थित संयुक्त निर्वाचन परिचालन केन्द्रका अनुसार उनले बिहानै उक्त मतदान केन्द्रमा पुगेर मतदान गरेका थिए।
आज प्रदेश २ का ८ जिल्लाका १३६ वटा स्थानीय तहमा बिहान ७ बजेदेखि मतदान भइरहेको छ।
सो प्रदेशका केही मतदान केन्द्रमा राजनीतिक दलका प्रतिनिधि आउन ढिला भएको र केहीमा गएराति भएको वर्षाबाट जमेको पानी हटाउँदा ढिलो भएको निर्वाचन आयोगका प्रवक्ता नवराज ढकालले जानकारी दिए।
आयोगका अनुसार, अहिले बिहान साढे ८ बजेसम्म करिब १५ प्रतिशत मतदान भइसकेको छ। मतदान साँझ ५ बजेसम्म जारी रहनेछ।रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
