काठमाडौं- नेपाल एसिसी यू–१९ पूर्वी क्षेत्रीय प्रतियोगिताको च्याम्पियन बनेको छ। अाइतबार मलेसियाकाे किन्नारा ओभलमा भएको खेलमा हङकङलाई ५ विकेटले पराजित गरेर नेपालले उपाधि कब्जा गरेको हो। नेपालले एसियन क्रिकेट काउन्सिल (एसिसी) को यू–१९ प्रतियोगिता जितेको यो पाँचौ पटक हो। उपाधिसँगै नेपाल यू–१९ एसिया कपमा छनाेट भएको छ।
हङकङले दिएको ७७ रनको लक्ष्य नेपालले ५ विकेटको क्षतिमा १४.४ ओभर खेलेर पार गरेको हो।
यो पनि: एसिसी यू–१९ : नेपाल पाँचाै पटक च्याम्पियन, हङकङ ५ विकेटले पराजित (स्कोरकार्ड सहित)
यसअघि नेपालले सेमिफाइनलमा मलेसियालाई १० विकेटले हराएर फाइनलमा पुगेको थियो। समूह चरणमा नेपालले थाइल्यान्ड, भुटान र सिंगापुरलार्इ हराएको थियो।
नेपाल सन् १९९९ को एसिसी यू–१९ एलिट कपको फाइनलमा पुगेको थियो। सिंगापुरमा भएको फाइनलमा नेपाललाई बंगलादेशले ६ विकेटले हराएको थियो। २००१ को फाइनलमा नेपालले मलेसियालाई ७ विकेटले हराएर उपाधि जितेको थियो। लगातार चार पटक उपाधि जित्ने क्रममा नेपालले सन् २००३ मा मलेसियालाई ३० रनले, सन् २००५ मा मलेसियालाई नै ७ विकेटले र २००७ मा अफगानिस्तानलाई ४८ रनले हराएर उपाधि जितेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
