काठमाडौं- शुक्रबार नेपाली बक्स अफिसमा दुई नेपाली फिल्म 'जोनी जेन्टलम्यान' र 'लिला'को साथमा बलिउड अभिनेत्री कंगना रनावतको 'सिमरन' रिलिज भएका छन्।
'म यस्तो गीत गाउँछु'को सफलताका कारण बक्सअफिसमा पल शाहको 'जोनी जेन्टलम्यान'ले राम्रो व्यापार गर्ने अपेक्षा गरिएको छ। फिल्मले बदलाको कथा बोल्छ। फिल्ममा पलले आँचल शर्मासँग जोडी बाँधेका छन्। नितिन चन्द निर्देशित फिल्ममा पल र आँचलका अलावा विकास जोसी, जाइना कुँवर, सन्तोष सिलवाल गिरीको अभिनय रहेको छ।
त्यस्तै पूर्व मिस नेपाल मलिना जोशीको मुख्य अभिनय रहेको 'लिला' सस्पेन्स थ्रिलर फिल्म हो। रमेश कोइराला निर्देशित फिल्ममा मलिनाका अलावा राज कटुवाल, सञ्चिता लुइटेल, ध्रुव कोइराला, निस्तोज निरौला, देवीराम पराजुली (भोक लाग्यो), पंकज नेपाल, स्वानीका बास्तोला, जेएन घिमिरे, यादव वैरागी र बाल कलाकार प्रियंसु सिंह क्षेत्री लगायतको अभिनय छ।
त्यस्तै विदेशी फिल्मतर्फ हालै एक अन्तरवार्ताका कारण चर्चामा रहेकी कंगना रनावतको 'सिमरन' रिलिज भएको छ।
अहिले हलमा गतसाता रिलिज भएको 'दुई रूपैयाँ' र त्यसअघि रिलिज भएको 'ए मेरो हजुर २' पनि चलिरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
