घर बनाउने तनावमा हुनुहुन्छ? चिन्ता नलिनुस्, अब एसएमएसबाटै सबै जानकारी

अन्तर्वार्ता

नेपाल लाइभ बिहीबार, माघ ११, २०७४ ०९:३३

काठमाडौँ- काठमाडौँ महानगरपालिकाले भवन इजाजतसम्बन्धी सेवाग्राहीको सूचना मोबाइल सन्देश (एसएमएस) बाटै दिन थालेको छ।

सेवालाई छिटो छरितो र प्रभावकारी बनाउन उक्त सेवा सुरु गरिएको कामपाका सूचना प्रविधि महाशाखा प्रमुख ध्रुव काफ्लेले जानकारी दिए। 'यो सुविधा विद्युतीय सेवाबाट नक्सा पास गरेका नागरिकले मात्र पाउनेछन्,' उनले भने, 'कामपाले करिब दुई वर्षदेखि विद्युतीय नक्सा पास गर्न सुरु गरेको छ।'

माघ ७ गतेदेखि सुरु भएको उक्त सेवाबाट हालसम्म ३८ जना लाभान्वित भइसकेका छन्। 'सेवाग्राहीलाई सूचना पठाउने या नपठाउने भन्ने निर्णय मान्छेले गर्ने होइन, यो काम सफ्टवेयर आफैँले गर्ने भएकाले निर्णय हुनासाथ सेवाग्राहीको मोबाइलमा सूचना जान्छ,' काफ्लेले भने।

यस प्रणालीबाट नक्सा दर्ता गर्ने सेवाग्राहीको मोबाइलमा नक्साको अस्थायी स्वीकृति, भुइँतलासम्मको स्वीकृति (पूरै भवनको), निर्माण सम्पन्न वा कुनै कारणवश नक्सा स्वीकृत गर्न नमिल्ने भए सो सम्वन्धी समेत जानकारी चरणबद्ध रुपमा जान्छ। त्यसका लागि सेवाग्राहीले कामपामा आफ्नो मोबाइल नम्बर दिनुपर्नेछ।

प्रयोगकर्ताले काठमाडौँ डट जिओभी डट एनपीमा क्लिक गरी नक्सा दर्ता गर्दा प्राप्त भएको रजिस्ट्रेसन नम्बर राखेपछि आफ्नो फाइल कुन टेबलमा पुगेको छ, यसबाट कुन टेबलमा कति समय अड्कियो? नक्सा पास हुने प्रणालीमा अब कति वटा टेबलमा पुग्न बाँकी छ, घरमै बसेर हेर्न सकिन्छ।

यस सेवालाई नागरिकले प्रयोग गर्ने हो भने नक्सा पाससँग सम्बन्धित धेरै गुनासोको सहजै समाधान हुने महाशाखाले विश्वास लिएको छ।रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नेपाल, थाइल्याण्ड र नेदरल्याण्ड्स सम्मिलित महिला टी२०आई श्रृंखला हुने

२००७ साल पछि कुनै पनि सरकारले नगरेको काम माओवादी नेतृत्वको सरकारले गरेको नारायणकाजीको दाबी

नागरिकता संशोधन विधेयक मन्त्रिपरिषद्‌बाट स्वीकृत, यी ३ व्यवस्था थपिए