अनलाइन प्रणालीमार्फत् सेयर कारोबारमा बिहीबार नयाँ रेकर्ड

नेपाल लाइभ | २०७६ श्रावण २३ बिहीबार | Thursday, August 08, 2019 २२:०२:०० मा प्रकाशित

काठमाडौं- नेपाल स्टक एक्सचेन्ज (नेप्से)को अनलाइन कारोबार प्रणालीले बिहीबार हालसम्मकै उच्च संख्यामा कारोबार गर्दै नयाँ रेकर्ड राखेको छ। 

नेप्सेका अनुसार बिहीबार अनलाइन प्रणालीमार्फत २९ हजार ४ सय ९६ वटा कारोबारबाट ४५ करोड ४६ लाख २९ हजार ५ सय ७५ रुपैयाँ बराबरका १८ लाख ७७ हजार ५ सय ४२ कित्ता सेयर किनबेच भएका छन्। 

बिहीबारको कारोबार संख्यामा सबैभन्दा बढी योगदान रसुवागडी हाईड्रोपावर कम्पनीको रहेको छ।

उक्त कम्पनीको मात्र १२ हजार ५ सय ९ वटा कारोबार भएको छ। त्यसैगरी, साञ्जेन जलविद्युत कम्पनीको ११ हजार ९ सय ९१ वटा कारोबार भएको नेप्सेले जनाएको छ।