यातायातको जानकारीका लागि ‘मोटरभाडा एप’

अन्तर्वार्ता

नेपाल लाइभ मंगलबार, माघ २, २०७४ १७:२६

काठमाडौं– सार्वजनिक यातायातको विस्तृत जानकारी समेटिएको मोबाइल एप सुरु भएको छ। गाडी भाडा, रुट, गाडी आउने समय, लाइभ ट्रयाकिंग र प्रत्यक्ष ट्राफिक अपडेट लगायतका विवरण समेटेर मोटरभाडा एप बनाइएको हो।

यातायात प्रणालीलाई डिजिटल बनाउने उद्देश्यले कार्यालय भेन्चर्स प्रा. लि. को इन्फर्मेशन टेक्नोलोजी कम्पनी कार्यालय आइटीले दुई भाषामा प्रयोग गर्न सकिने ‘मोटरभाडा’ र ‘मोटरभाडा कम्पनी’ नामक एप सुरु गरेको हो। एपले यात्रालाई सहज बनाउनुका साथै यसबाट सार्वजनिक सवारी, भाडाका सवारी, गैर सरकारी संस्था, ट्राभल एजेन्सी, विद्यालय, अस्पताल, सरकारी तथा निजी संघ–संस्थाको जानकारी पाउन सकिने कम्पनीले जनाएको छ।

‘यो डिजिटल जमानामा हामीले स्मार्ट शहरको कुरा गरे पनि यसको सबैभन्दा महत्वपूर्ण पक्ष नेपालको सार्वजनिक सवारी प्रणालीलाई नै सधैं भुल्दै आइरहेका छौंैं,’ कम्पनीद्धारा जारी विज्ञप्तीमा भनिएको छ,‘त्यसैले मोटर भाडादेखि गाडीको प्रत्यक्ष ट्रयाकिंङग सबै एपमा दिने उद्देश्यले हामीले यो एप ल्याएका हौंं ।’

नयाँ अवधारणाको एप बनाउने कम्पनी कार्यालय आइटीका संस्थापक प्रसुन तिमिल्सिना र सुजित धौबञ्जार हुन् भने सौर्य उर्जा उद्यमी सौरभ तिमिल्सिना यसका प्रवद्र्धक हुन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नेपाल, थाइल्याण्ड र नेदरल्याण्ड्स सम्मिलित महिला टी२०आई श्रृंखला हुने

२००७ साल पछि कुनै पनि सरकारले नगरेको काम माओवादी नेतृत्वको सरकारले गरेको नारायणकाजीको दाबी

नागरिकता संशोधन विधेयक मन्त्रिपरिषद्‌बाट स्वीकृत, यी ३ व्यवस्था थपिए