बिग मर्जमा वाणिज्य बैंकहरुको दुरदर्शिता देखिन्न : कृष्णराज लामिछाने [भिडियो वार्ता]

भिडियो

नेपाल लाइभ शनिबार, असार १४, २०७६ १३:१५

काठमाडौं- महालक्ष्मी विकास बैंकका प्रमुख कार्यकारी अधिकृत (सिइओ) कृष्णराज लामिछानेले अदुरदर्शिताका कारण बिग मर्जर आएको बताएका छन्। अधिकांश वाणिज्य बैंकका व्यवस्थापक तथा सिइओहरुले दुरदर्शिता देखाउन नसक्दा र एक-आपसको अस्वस्थ प्रतिस्पर्धाको प्रतिफल नै बिग मर्जर भएको उनको भनाइ छ।

आफै मर्जमा जाँदा दुईवर्षे कर छुट दिने राष्ट्र बैंकले सहुलियत दिने भएपछि त्यही सुविधाका लागि बैंकहरु मर्जरमा आकर्षित भएको लामिछाने बताउँछन्। 'अबको उद्देश्य नै फरक छ। कर छुटकै सुविधाका लागि ठूला बैंकहरुले साना बैंकहरुलाई लिएर सुख पाउँदैनन्,' नेपाल लाइभको कार्यक्रम 'समय संवाद'का लागि कुरा गर्दै उनले भने, 'अबको उद्देश्य भनेको वाणिज्य बैंकहरुको संख्या घट्नैपर्‍यो, बैंकहरुको स्थायित्व हुनैपर्‍यो। ठूला बैंकहरु आफूलाई वृद्धि गर्ने दौडमा लाग्नुभएन। एकापसमा अस्वस्थ प्रतिस्पर्धा हुनु भएन भन्ने नै हो।

वाणिज्य बैंकहरुमा स्थायित्व ल्याउनकै लागि मर्ज गर्नुपर्ने आवश्यकता भएकोले यसलाई बिग मर्ज भनिएको लामिछाने प्रस्ट्याउँछन्।

मर्जरको ठूलो अनुभव सँगालेको महालक्ष्मी विकास बैंकका प्रमुख लामिछानेको बुझाइमा बिग मर्ज त्यति सजिलो भने छैन। उनी भन्छन्, 'एक ग्लास शुद्ध दूधमा विषादीयुक्त दूध मिसाए जस्तो हो यो मर्ज भनेको, पीडादायक हुन्छ।'

बिग मर्जरको विषयमा केन्द्रित रही बैंकहरुको वर्तमान अवस्था र भावी योजनाका विषयमा नेपाल लाइभका सुमन शर्माले लामिछानेसँग गरेको भिडियो वार्ता :

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

करको बक्यौता उठाउन घरघरमा पत्र

मधेश सरकारले आज बलिदानी दिवस मनाउँदै

दुई सय बढी बालबालिका विद्यालय जान छाडे