शिरमा देश बोकेर
_x000D_ऊ,
_x000D_वर्षैदेखि यसरी नै उभिरहेछ
_x000D_फूलेको केश
_x000D_डढिरहेको सपना
_x000D_भाग्दै गएको आफ्नै जीवन
_x000D_के सोचेर आएको थियो यस जमिनमा?
_x000D__x000D_
धाननाच र हाक्पारे गीतहरु
_x000D_राँकेबजारको सम्झना र यो बर्माको घनाजंगल
_x000D_सिंगै उमेरभन्दा लामो
_x000D_अझै पनि त्यत्तिकै सपनाको खत बाँकी छ उसमा
_x000D__x000D_
किन,
_x000D_बिर्सियो आफ्नो देशलाई?
_x000D_बिर्सिएर गयो आफन्तको माया?
_x000D__x000D_
सायद,
_x000D_यही सोच्यो– जहाँ गए पनि जिन्दगी भोग्नु हो
_x000D_जहाँ गए पनि सपना साँच्नु हो
_x000D_तर,
_x000D_यहाँका बोटबिरुवा , मानिस र चराहरुले
_x000D_कहिल्यै गाएनन् उसको निम्ति खुसीका गीत
_x000D__x000D_
यो,
_x000D_पहाडको फेद हुँदै झरेको मुलबाटोमा
_x000D_उसको बेहिसाब आँसु बगेर गएको छ
_x000D_तर, कहिल्यै भनिएन
_x000D_यो खोलाको पानीसँगै तिम्रो पनि तिर्खा समाहित छ
_x000D__x000D_
कुन माटोले बनेको छ उसको मुटु?
_x000D_त्यहाँ के–के लेखिएको छ जिन्दगीसँग
_x000D_माया वा भ्रममुक्त?
_x000D_मैले बुझ्न सकिरहेको छैन
_x000D_तर, किन बिर्सियो
_x000D_यो ब्रह्मपुत्रको धमिलो पानीसँगै आफ्नो देशलाई?
_x000D__x000D_
००
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।