'ट्रम क्रुजझैँ छन् मोदी'। भारतीय अखबार टाइम्स अफ इन्डियाले एकसातासम्म यस्तै हेडलाइनमा प्रधानमन्त्री नरेन्द्र मोदीको फेसन कभरेज गर्यो। नेता जवाहरलाल नेहरुपछि फेसनेबल नेताका रुपमा मोदीलाई लिइन्छ। नेहरुले लगाएको कोटको डिजाइन विश्वभर नेहरु टाइटलमा परिचित छ। अहिले मोदी कोट र कुर्ता उस्तै परिचित भएको छ। फेसन फलो गर्न छुटाउँदैनन् मोदी। जहाँ पुग्यो त्यहाँको फेसन उनलाई गर्नैपर्छ।
भारतीय राजनीतिज्ञ त्यति विघ्न फेसनको सौखिन थिएनन्। इन्दिरा गान्धी सधैँ सारी लाउँथिन्। उनकी बुहारी सोनिया गान्धीले सुटको सुरुवात गरिन्। सोनियाका छोरा राजीव आफ्ना हजुरबुबा जवरलाल नेहरुको जस्तै ड्रेस लगाउँछन्।
मोदी यस्ता व्यक्ति निस्किए, फेसनको बहुत सौखिन छन्। अमेरिकाका पूर्व राष्ट्रपति बाराक ओबामा समेत उनको फेसनको प्रसंशक थिए। 'मोदी जे लगाउँछन् त्यो पहिरनको पछाडि मोदी जोडिन्छ। मोदी जे पहिरन्छन् ओबामा त्यही लगाउन चाहन्छन्,' टाइम्स अफ इन्डियाले लेखेको छ।
सन् २०१५ मा मोदी चीन भ्रमणमा गए। भ्रमणमा उनले सेनाको मूर्तिसँग फोटो खिचेका थिए। मोदीको त्यो म्याट्रिक्स स्टाइल सर्वाधिक चर्चाको विषय बन्यो। चीनमा उनले सैनिकको मूर्तिसँग मात्र फोटो खिचाएनन्। आफ्ना समकक्षी लि क्वानसँग सेल्फी खिचाए।
वासिङ्टन पोस्टले त्यो फोटोलाई रोचक ढंगले प्रस्तुत गर्यो। भारतीय प्रधानमन्त्री चीनसँगको मित्रता सुमधुर बनाउन मोदीले सेल्फीको समेत प्रयोग गरेको वासिङ्टन पोस्टको आशय थियो। 'भारतीय प्रधानमन्त्री जानकार छन्, चिनियाँ समकक्षीसँगको सुन्दर सेल्फी कति शक्तिशाली हुन्छ,' उसले लेखेको थियो।
मोदीले चिनियाँ समकक्षीसँग लिएको सेल्फी चिनियाँ सामाजिक सञ्जालमा वीभोमा मात्रै ३१ करोडभन्दा बढी लाइक थियो। चीनको तस्बिरको चर्चा सेलाउन नपाउँदै मोदी मंगोलिया पुगे। मंगोलियामा उनले आफ्ना सकमक्षीसँग त्यहीँको सांस्कृतिक पहिरनमा सजिएर फोटो खिचे। त्यस फोटोले फेसबुकमा तीन करोड ६ लाखभन्दा बढी लाइक पाएको छ।
मोदीको हालसालैको फेसन पनि चर्चाको विषय बनेको छ। अरुणाञ्चलमा खटिएका सेनालाई दीपावलीको शुभकामना दिन जाँदा मोदीले सैन्य ड्रेस लगाए। उनले आफूले सैन्य ड्रेस लगाउन पाएको गर्व अनुभति गरेको प्रतिक्रिया समेत दिए। 'मुलुकप्रति यहाँहरुको योगदान र दायित्व मेरोभन्दा बढी छ। सेनाको भेषमा उपस्थित भएर तपाईंहरुको बहादुरी नियाल्दा म नतमस्तक छु र गौरव गर्छु,' मोदीले भने।
उनी जहाँ जान्छन् त्यहीँको भेषमा तस्बिर लिन्छन्। मोदी एकपटक दक्षिण कोरियाको भ्रमणमा गएका थिए। भारतीय मिडियाहरुले मोदीप्रति कटाक्ष गर्दै समाचार लेखे- 'मोदी ग्याङनाम स्टाइलमा देखा पर्न सक्नेछन्।' तर उनले उत्तर कोरियाको त्यो चर्चित फेसन पहिल्याएनन्।
विश्वका सबै नेता वैदेशिक भ्रमणमा जाँदा फोटो खिचाउन छुटाउँदैनन् तर मोदीले भने त्यसलाई आफ्नो ट्रेड मार्क नै बनाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1777595787.png)
