जनआस्था साप्ताहिकका प्रधानसम्पादक किशोर श्रेष्ठलाई प्रहरीले घरमै पुगेर साइबर व्यूरो उपस्थित गराएको छ ।
छलफलका लागि भन्दै पत्रकार श्रेष्ठलाई साइबर व्युरोको कार्यालय पुर्याइएको हो । आज बिहान काठमाडौं उपत्यका अपराध अनुसन्धान कार्यालयको टोली श्रेष्ठको घरमै पुगेको थियो ।
प्रहरी उच्च स्रोतका अनुसार उपत्यका अपराध अनुसन्धान कार्यालयका एसएसपी सन्तोष खड्क नेतृत्वमा प्रहरी टोली ललितपुरको नख्खुस्थित श्रेष्ठको घरमा पुगेको थियो ।
स्रोतका अनुसार ठाडो निवेदन परेपछि छलफल गर्न श्रेष्ठलाई सम्पर्क गरिएको थियो । मोबाइलमा सम्पर्क नभएपछि उनलाई जानकारी गराउन प्रहरी टोली घरमा पुगेको हो । सोही टोलीले उनलाई छलफलका लागि साइबर व्युरो पुर्याएको प्रहरी स्रोतको दाबी छ ।
समाचारको विषयलाई लिएर श्रेष्ठविरुद्ध रास्वपा केन्द्रीय सदस्य हिमेश पन्तले साइबर व्युरोमा निवेदन दिएका थिए । पत्रकार श्रेष्ठले पनि हिमेश विरुद्ध ब्युरोमै निवेदन दिएका थिए ।
ब्युरो स्रोतका अनुसार श्रेष्ठ र पन्त दुवै पक्षलाई राखेर छलफल गराउने तयारी छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
