काठमाडौं – लोककल्याणकारी विज्ञापनबापत पत्रपत्रिकाले पाउँदै आएको रकम कटौती गर्ने निर्णय फिर्ता लिन माग गर्दै नेपाल पत्रकार महासंघले असोज ५ गतेदेखि देशव्यापी आन्दोलन गर्ने निर्णय गरेको छ।
सूचना तथा सञ्चार मन्त्रालयले जारी गरेको ‘लोककल्याणकारी विज्ञापन प्रकाशनसम्बन्धी (पहिलो संशोधन) कार्यविधि, २०८३’ मार्फत विज्ञापनबापतको रकममा भारी कटौती गरिएको भन्दै महासंघले असहमति जनाउँदै आएको छ।
महासंघका अध्यक्ष निर्मला शर्माको अध्यक्षतामा शुक्रबार सरोकारवालासहित बसेको बैठकले तीन दिनभित्र माग सम्बोधन नभए असोज ५ गते सोमबारदेखि आन्दोलनमा जाने निर्णय गरेको हो।
महासंघले उक्त कार्यविधि खारेज गर्न सूचना तथा सञ्चारमन्त्रीसमक्ष भदौ २५ गते माग राखेको थियो। त्यस्तै, समस्या समाधान नभएसम्म लोककल्याणकारी विज्ञापनको बिल नबुझाउन विज्ञापन बोर्डलाई भदौ २१ गते पत्राचारसमेत गरेको थियो।
महासंघका अनुसार महालेखापरीक्षकको कार्यालयले लोककल्याणकारी विज्ञापनमा बेरुजु नदेखाएको तथा प्रेस काउन्सिल नेपालले विज्ञापनको रकम हेरफेर तथा वृद्धि गर्न सिफारिस गरेको छ।
यी आधारसमेत उल्लेख गर्दै महासंघले शुक्रबार पुनः सञ्चारमन्त्रीसमक्ष ध्यानाकर्षण पत्र बुझाएको जनाएको छ।
महासंघले वार्ता र संवादमार्फत समस्या समाधान हुने अपेक्षा राखेको छ। माग सम्बोधन नभए पहिलो चरणमा विभिन्न कार्यक्रमसहित देशव्यापी आन्दोलन गर्ने र त्यसमा सहभागी हुन मातहतका समिति तथा सरोकारवालालाई आह्वान गर्ने जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789732040.png)
-1786602170.png)
-1789631269.jpg)
