काठमाडौं– लगातार चाैथाे कारोबारका दिन बुधबार पनि सेयर बजार बढेको छ।
सेयर बजार सूचक नेपाल स्टक एक्सचेञ्ज (नेप्से) ३४.४२ अंकले बढेर २६९५.०० बिन्दुमा पुगेको हो।
यसअघिका पहिलो, दोस्रो र तेस्राे कारोबारका दिन पनि नेप्से लगातार बढेको थियो। बुधबार नेप्सेमा कुल ९ अर्ब ७४ करोड ४८ लाख रुपैयाँ बराबरको कारोबार भएको छ। यसअघि मंगलबार नेप्सेमा कुल ७ अर्ब ३३ करोड रुपैयाँ बराबरको कारोबार भएको छ।
कारोबार रकम पनि बढेको छ। अघिल्लो दिन ७ अर्ब ३ करोडको कारोबार भएकोमा आज ९ अर्ब ७४ करोड ४८ लाख रुपैयाँ बराबरको कारोबार भयो। जसमा हाइड्रोपावर समूहको सबैभन्दा धेरै ४ अर्ब ५६ करोडको भयो।
१८२ कम्पनीको मूल्य बढ्दा ६५ को घट्यो भने एउटाको स्थिर रह्यो।
जीवन बीमा समूह सबैभन्दा धेरै २.८३ प्रतिशत बढ्यो। त्यस्तै निर्जीवन बीमा २.५१, बैंकिङ १.३६, विकास बैंक २.३१, फाइनान्स १.९९, होटल तथा पर्यटन ०.७१, हाइड्रोपावर ०.४७, लगानी १.०१, उत्पादन तथा प्रशोधन ०.६९, माइक्रोफाइनान्स ०.५६, अन्य ०.९१ तथा व्यापार समूह १.७६ प्रतिशत बढे।
दुई कम्पनी ग्रिन डेभलपमेन्ट बैंक र खानीखोला हाइड्रोपावरको मूल्य १० प्रतिशत बढ्यो।
नेपाल इन्स्योरेन्सको ९.८२, गुराँस लघुवित्तको ९.१५, सिन्धु विकास बैंकको ८.९२, कर्पोरेट डेभलपमेन्ट बैंकको ८.२९ प्रतिशत मूल्य बढ्यो। विन नेपाल लघुवित्तको मूल्य सबैभन्दा धेरै ३.३१ प्रतिशत घट्यो।
आज धेरै कारोबार भएका कम्पनीमा एनआरएन इन्फ्रास्ट्रक्चर, साहस ऊर्जा, सप्तकोशी विकास बैंक, लक्ष्मी सनराइज बैंक (संस्थापक सेयर) र बुटवल पावर क्रमशः छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1765768760.png)
-1763721444.png)
-1765273665.jpg)
