काठमाडौं– निजामति कर्मचारीले अब दैनिकरुपमा कार्य प्रारम्भ गर्नुअघि ‘म भ्रष्टाचार गर्दिन, म भ्रष्टाचार हुन दिन्न’ भन्ने प्रतिज्ञा वाचन गर्नुपर्ने भएको छ।
_x000D_
_x000D_
मंगलबार मुख्य सचिवस्तरको बैठकबाट प्रत्येक राष्ट्रसेवक कर्मचारीका लागि कार्यालयमा काम सुरु गर्नुअघि यस्तो प्रतिज्ञा वाचन अनिवार्य गर्ने निर्णय गरिएको हो। प्रधानमन्त्री तथा मन्त्रिपरिषद्को कार्यालयले एक विज्ञप्ति जारी गर्दै त्यस्तो प्रतिज्ञा लेखिएका स्टिकर वा ब्यानर बनाई कार्यालयमा देखिने स्थानमा टाँस्ने व्यवस्था गर्नसमेत सम्बन्धित सबै सरकारी कार्यालयलाई निर्देशन दिएको छ।
_x000D_
_x000D_
‘प्रत्येक राष्ट्रसेवक कर्मचारीले प्रत्येक दिन कार्य प्रारम्भ गर्नुअघि ‘म भ्रष्टाचार गर्दिनँ। म भ्रष्टाचार हुन दिन्न। म देश र जनताका लागि इमानदार भएर काम गर्ने प्रतिक्षा गर्दछु।’ भन्ने प्रतिज्ञा वाचनपश्चात् कार्य आरम्भ गर्न गराउन नेपाल सरकार आग्रह गर्दछ।’, विज्ञप्तिमा भनिएको छ।
_x000D_
_x000D_
सरकारले सुशासन र सदाचारको प्रवर्द्धन गर्नका लागि यस्तो कदम चालेको पनि जनाएको छ।
_x000D_
_x000D_
प्रधानमन्त्री तथा मन्त्रिपरिषद्को कार्यालयले जारी गरेकाे विज्ञप्ति:
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1748593223.png)
